Read gitonga 1 Yohane 1 Bible Online

1 Yohane 1 - gitonga bible

1 Yohane 1

¹Cho chengako kutuliya ku mtendeku, cho tavwa, cho tawona ndi maso ghidu, cho tinguthoŵa, ndi manja ghidu ghangukwaska, chapa Mazu gha Umoyo,

²(ndipo Umoyo wo ungurongoleka, ndipo tauwona ndipo tisimikizga ndi tikutauliyani Umoyo wo wamwuyaya, wo wenga nawo Dada, ndipo ungurongoleke kwaku ifwe);

³chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

⁴Ndipo vyenivi tikulembiyani, kuti chimwemwe chidu chifisike.

⁵Ndipo wenuwu mbuthenga weniwo tavwa kwaku iyo, ndi timtauliyani, kuti Chiuta iyo nkhungweruka, ndipo mwaku iyo mdima mulive mbwenu.

⁶Asani tinena kuti te ndi wanase ndi iyo, ndipo titenda mu mdima wo, titeta, ndipo kuti tiuchita uneneska cha;

⁷kweni asani titenda mu kungweruka ko, uli ndimo waliri iyo mu kungweruka, te nawo wanase yumoza ndimunyake, ndipo ndopa zo zaku Yesu, Mwana wake, zititozga ku ulakwi wose.

⁸Asani tinena kuti ulakwi tirive, tijipusika, ndipo uneneska wo kuti we mwaku ifwe cha.

⁹Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

¹⁰Asani tinena kuti tirive kulakwa, timsanduska mtesi, ndipo mazu ghake mwaku ifwe mulive.