Read gitonga 2 Yohane 1 Bible Online

2 Yohane 1 - gitonga bible

2 Yohane 1

¹Mura yo ku Fumukazi yakusankhika ndi ku ŵana ŵake, ŵeniwo ndituŵanja mu uneneska; ine pe cha, kweni so wose ŵakuziŵa uneneska wo;

²chifukwa cha uneneska wo ujariya mwidu, ndipo ukaŵanga nafwe muyaya.

³Wezi, lisungu, chimangu, kutuliya kwaku Chiuta Dada, ndi kwaku Yesu Kristu, Mwana wa Dada vitiŵeyenge mu uneneska ndi muchanju.

⁴Ndingukondwere ukongwa kuŵasaniya ŵamu ŵana ŵinu kwenda mu uneneska, uli ndimo tinguronde dangu ku Dada.

⁵Ndipo sono ndipempha imwe, Fumukazi, kuti ndilemba kwinu dangu lifya cha, kweni lo taŵa nalo kutuwa ku mtendeku, kuti tanjane.

⁶Ndipo chenichi nchanju cho kuti tende kwakuyana ndi marangu ghake. Lenili ndi dangu lo uli ndimo mwavwiya kutuwa ku mtendeku, kuti mwende mwaku lo.

⁷Chifukwa ŵarandizgi ŵanandi ŵaburika mu charu, ŵeniwo ŵareka-kuzomera kuti Yesu Kristu wakuziya mu liŵavu. Mwenuyu ndi mrandizgi ndi mkana-Kristu yo.

⁸Mujilereske kuti mungataya cha vyenivyo mwatakatakiya, kweni kuti muronde mphotu yakuzara.

⁹Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.

¹⁰Asani munthu watuza kwaku imwe, wambura kupinga chisambizgu chenichi, mungamronde mu nyomba cha, chingana nkhumtauzga:

¹¹chifukwa yo wamtauzga wasangana nayo mu nchitu zake ziheni.

¹²Pakuŵa navyo vinandi kumlembiyani, kuti ndikhumba cha kulemba nanga ndi kalata ndi inke. Kweni ndigomekezga kuza kwinu ndi kurongoro chisku ku chisku, alinga kuti chimwemwe chinu chizare.

¹³Ŵana ŵamku winu wakusankhika wakutauzgani.