Read Tontemboan Matius 1 Bible Online

Matius 1 - Tontemboan bible

Matius 1

¹Si anioo en daftar é apo-apo' i Yesus Kristus taranak i Daud wo taranak i Abraham.

²Si Abraham makatoyaang, si Ishak. Si Ishak makatoyaang ngaranna Yakub. Wo si Yakub makatoyaang ngaranna Yehuda wo sé metuari wo sia.

³Si Yehuda makatoyaang rua asi Tamar owo si makangaran Peres wo Zerah. Si Peres makatoyaang ngaranna Hezron. Wo si Hezron makatoyaang ngaranna Ram.

⁴Si Ram makatoyaang ngaranna Aminadab. Si Aminadab makatoyaang ngaranna Nahason. Si Nahason makatoyaang ngaranna Salmon.

⁵Si Salmon makatoyaang asi penanaanna Rahab ngaranna Boas. Wo si Boas makatoyaang asi penanaanna Rut si ningaranan Obed. Si Obed makatoyaang ngaranna Isai.

⁶Wo si Isai makatoyaang si colano Daud. Si Daud makatoyaang ngaranna Salomo asi penanaan i Uria owo.

⁷Wo si Salomo makatoyaang ngaranna Rehabeam. Si Rehabeam makatoyaang tuama ngaranna Abia. Wo si Abia makatoyaang ngaranna Asa.

⁸Si Asa makatoyaang ngaranna Yosafat. Wo si Yosafat makatoyaang ngaranna Yoram. Si Yoram makatoyaang ngaranna Uzia.

⁹Wo si Uzia makatoyaang ngaranna Yotam. Si Yotam makatoyaang ngaranna Ahas. Wo si Ahas makatoyaang ngaranna Hizkia.

¹⁰Si Hizkia makatoyaang ngaranna Manasye. Wo Si Manasye makatoyaang ngaranna Amon. Si Amon makatoyaang ngaranna Yosia.

¹¹ Si Yosia makatoyaang ngaranna Yekhonya wo sé metuari wo sia an tutuw é tou Israel aitiya' am Babel.

¹²Kekawus é tou Israel aitiya' am Babel, si Yekhonya makatoyaang ngaranna Sealtiel. Wo si Sealtiel makatoyaang ngaranna Zerubabel.

¹³Si Zerubabel makatoyaang ngaranna Abihud. Wo si Abihud makatoyaang ngaranna Elyakim. Si Elyakim makatoyaang ngaranna Azor.

¹⁴Si Azor makatoyaang ngaranna Zadok. Wo si Zadok makatoyaang ngaranna Akhim. Si Akhim makatoyaang ngaranna Eliud.

¹⁵Si Eliud makatoyaang ngaranna Eleazar. Wo si Eleazar makatoyaang ngaranna Matan. Si Matan makatoyaang ngaranna Yakub.

¹⁶Wo si Yakub makatoyaang ngaranna Yusuf penanaan i Maria si itumou si Yesus, si patuulen Kristus.

¹⁷Anaé, tumo'tol asi Abraham akar a si Daud, awéan sangapulu' epat taranak. Wo tumo'tol asi Daud akar a sé tou Israel aitiya' am Babel, awéan ka'i sangapulu' epat taranak. Wo ang kauré é tou Israel am Babel akar a si Yesus Kristus tumou, awéan ka'i sangapulu' epat taranak.

¹⁸Tana'i en sisisilen andumoro' ing ketou i Yesus Kristus: Si Maria inang i Yesus, tinantuano kawéngen i Yusuf, taan an tutuw éra ra'ipé' icumawéng, si Maria maowa-owako ampa'paan ing kawasa i Roh Le'nas.

¹⁹Si Yusuf penanaan i Maria, sia anio' tou sama' até wo ra'ica kiimna mapalawi-lawi' i ngaran i penanaanna an dior é tou keli. Sia mawasa i maene-enep en tumela'u woo si Maria.

²⁰Taan ang karoro'an i Yusuf memero-merot im basana itu wo mai si malaékat i Casuruan mapaturu' am pinangipina wo kumua, “Yusuf, taranak i Daud, tioo ko maindé' mindo si Maria mamuali penanaanmu ampa'paan si toyaang am pootna itu asi Roh Le'nas owo.

²¹Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

²²Pakasa en itu mamuali wosama' malekep sapa en aicua i Amang Kasuruan a si nabi-Na indior:

²³“En ulitna, si esa mangala'un maowa-owak oka wo itouna oka mai esa toyaang tuama wo ngaranan éra Sia Imanuel.” (En kaangéanna, Si Amang Kasuruan mewali-wali wo icita.)

²⁴Kekawus in itu si Yusuf mapolo wo émaanna meputé si aiperénta i malaékat i Casuruan itu ai sia. Wo kawéngenna si Maria, mamuali penanaanna,

²⁵taan sia ra'ica kawisa tumekel ang karapi i Maria akar si Maria makéré toyaang tuama. Wo ngaranan i Yusuf si toyaang itu, Yesus.