Read Tontemboan Yakobus 4 Bible Online

Yakobus 4 - Tontemboan bible

Yakobus 4

¹Kéitu réén kamu meindo-indoan roma' wo meréndé-réndéran? Ra'ica réén ampa'paan ing kasalé-salé'an sé ra'ica loor imapetokol an owak iow?

²Awéan em paawo-awon iow taan ra'- ica kinakiitan akar kamu maté tou. Kamu mangana-nganat taan ra'ica kinéréan sapa em paéré-érén iow akar kamu meréndéran wo metokol. Taan kamu ra'ica makéré sapa-sapa, ampa'paan kamu ra'ica masombayang.

³Kuma'pa kamu masombayang taan ra'ica imakéré sapa-sapa ampa'paan em paawo-awon iow an sombayang suméa'. Em pinangilek iow itu asaloke' masalé' ka'pun iow e marui in owak iow in esa.

⁴Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

⁵Tioo kamu mawerot sapaoka ra'ica wana alasan si aipatic ang Kitap Le'nas tana'i, “E Roh si aiwéé i Amang Kasuruan ai cita, e Roh itu manganat sa kita ra'- ica le'tek a si Casuruan.”

⁶ Taan en upus aitambér i Amang Kasuruan ai cita, lébé wangko' mai wo in itu. Ampa'paano in itu aipatic ang Kitap Le'nas tana'i, “Sunduren i Amang Kasuruan sé tou tirayo, taan turu'-Na eng kaupusan a sé tou ko'kos en até.”

⁷Ampa'paano in itu, male'te-le'teko mangé a si Amang Kasuruan wo kiiteno mangé Sia. Sundureno mangé ka'i si kikiiten é sétang, wosama' sia tumayang oka ai camu.

⁸Rumaméjio mangé rumuru a si Amang Kasuruan, wo kamu rurun-Na oka mai. Wu'asanno mio' eng kama miow, éi kamu sé tou iméma' ing kamesé-meséaan! Le'naseno mangé en até miow, éi kamu sé marua-rua até.

⁹Yentoo mio' eng ké'ké' wo en arui miow ampa'paan ing kamesé-meséaan iow. Aweso taré sawelen iow en itu i manesel wo maamé' ampa'paan kamu wendu keli iméma'o ing kamesé-meséaan.

¹⁰Ko'koso mio' en owakmu an dior i Casuruan wo irangka'-Na oka kamu.

¹¹Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.

¹²Wayake' in esa si méma' in ukum wo wayake' Sia ka'i e ro'na mamuali akim ai cita. Siao itu e makaanu ing kawasa en lumowir wo e maté sé tou. Taan séi réén kamu akar kamu masalé' makim sé kakélému tou?

¹³ Kamu makua in tana'i, “Si endo anio' kuma'pa woondo kami maangé an esa kota. A mangé mbitu kami mento' oka esa ngata'- un wo rumaméji mangkér wosama' makéré kauntungan.”

¹⁴Sédangkan si mamuali woondo ra'ipé' kailekan iow. Sapa réén en torona ing katouan iow? Eng katouan iow puté in susuwa si ra'- ica uré kaséréan wo icatala.

¹⁵En ulitna musti icua miow tanu si anio', “Sa icasalé' i Casuruan, kami ro'na menonou wo méma' in anio' kuma'pa in itu.”

¹⁶Taan em pakanuwu' miow taloso taré tirayo e mengaangkai in owak iow in esa. Em pakanuwu' tanu siitu suméa'.

¹⁷Anaé, sa awéan tou si makaileko tumambisa musti maéma' in loor, taan en itu ra'ica pengaémaanna, sia itu méma'o ing kamesé-meséaan.