Read Toraja-Sa'dan KADADIAN 36 Bible Online

KADADIAN 36 - Toraja-Sa'dan bible

KADADIAN 36

¹Inde sia tu bati’na Esau, tu diganti Edom:

²Umpobainemi anak to Kanaan tu Esau, iamotu Ada, anakna Elon, to Het na Oholibama, anakna Ana, anakna Zibeon, to Hewi,

³sia Basmat, anakna Ismael, anak daranna Nebayot.

⁴Iatu Ada umpadadian Elifas Esau, na Basmat undadian Rehuel.

⁵Iatu Oholibama undadian Yeush na Yaelam na Korah; iamote tu mintu’ muane nadadian Esau dio tana Kanaan.

⁶Iatu Esau nabaa nasang tu mintu’ bainena sia mintu’ anakna muane sia baine sia mintu’ to lan banuanna sia patuoanna sia mintu’ tu nalaainna sia mintu’ barang apanna tu napabu’tumo dio tana Kanaan, anna male lako tana (senga’) sikambela Yakub siulu’na.

⁷Belanna iatu mai barang apanna buda tongan napourungan tang sibaa sola duai, sia iatu padang nanii mentiruran tae’ nasilasa sola duai, apa buda patuoanna.

⁸Iamoto anna torro tu Esau dio buntu Seir na iatu Esau, iamo diganti Edom.

⁹Inde sia tu mintu’ bati’na Esau, nene’ to Edom dio buntu Seir.

¹⁰Inde sia tu sanganna mintu’ muane anakna Esau: Elifas anak diona Ada, na Rehuel anak diona Basmat.

¹¹Iatu mintu’ anakna Elifas tu muane, iamo Téman, Omar, Zefo, Gaetam na Kenas.

¹²Iatu Timna, iamo gundi’na anakna Esau, disanga Elifas; iatu Timna umpadadian Amalek, Elifas; ia nasangmote tu muane, anakna Ada, bainena Esau.

¹³Inde sia tu mintu’ anakna Rehuel tu muane, iamo Nahat, Zerah, Syama na Miza; ia nasangmote tu anakna Basmat, bainena Esau.

¹⁴Inde sia tu mintu’ muane anakna Oholibama bainena Esau, anakna Ana, iamo anakna Zibeon; napadadianmi Esau tu Yeush, Yaelam na Korah.

¹⁵Inde sia tu pangala tondok tu bati’na Esau, iamotu muane nadadian Elifas, anak pa’bunga’na Esau, tu mai: Sia Téman, Sia Omar, Sia Zefo na Sia Kenas,

¹⁶Sia Korah, Sia Gaetam, Sia Amalek. Iamorate tu mintu’ pangala tondok, tu bati’na Elifas dio tana Edom, iamote tu muane bati’na Ada.

¹⁷Inde sia tu anakna muane Rehuel, anakna Esau tu muane: iamotu Sia Nahat, Sia Zerah, Sia Syama, Sia Miza. Iamorate tu mintu’ pangala tondok tu bati’na Rehuel dio tana Edom, iamote tu muane, bati’na Basmat, bainena Esau.

¹⁸Inde sia tu anakna Oholibama, bainena Esau, iamotu Sia Yeush, Sia Yaelam na Sia Korah; iamorate tu mintu’ pangala tondok tu bati’na Oholibama, anakna Ada, bainena Esau.

¹⁹Iamorate tu mintu’ muane bati’na Esau, tu diganti Edom sia iamote pangala tondokna tau iato mai.

²⁰Inde sia tu muane bati’na Seir, to Hori, tu untorroi padang iato, iamotu Lotan, Syobal, Zibeon na Ana,

²¹na Disyon na Ezer na Disyan; iamo pangala tondokna to Hori bati’na Seir dio tana Edom.

²²Iatu anakna Lotan: Hori na Heman na iatu anak daranna Lotan iamotu Timna.

²³Iatu anakna Syobal: Alwan, Manahat, Ebal, Syefo na Onam.

²⁴Inde sia tu anakna Zibeon: Aya na Ana; iamora tu Ana mangka ungkabu’tui ba’tu pirang mata uai lassu lan padang pangallaran, tonna laai tu mintu’ keledainna Zibeon ambe’na.

²⁵Na inde sia tu anakna Ana: Disyon na Oholibama, iamoto tu pia baine nadadian Ana.

²⁶Inde sia tu anakna Disyon: Hemdan, Esyban, Yitran, na Keran.

²⁷Inde sia tu anakna Ezer: Bilhan, Zaawan na Akan.

²⁸Iatu anakna Disyan: Us na Aran.

²⁹Inde sia tu pangala tondokna to Hori, iamo Sia Lotan, Sia Syobal, Sia Zibeon, Sia Ana,

³⁰Sia Disyon, Sia Ezer na Sia Disyan; iamote tu pangala tondokna to Hori, pantan sibaa rapunna dio tana Seir.

³¹Inde sia tu mai datu ma’parenta dio tana Edom tonna tae’pa datunna to Israel.

³²Iatu datu ma’parenta dio tondok Edom, iamotu Bela, anakna Beor, na iatu kotana disanga Dinhaba.

³³Kabu’mi tu Bela anna dadi datu tu Yobab, anakna Zerah dio mai Bozra, sondana.

³⁴Kabu’mi tu Yobab anna dadi datu tu Husyam dio mai tana to Téman, sondana.

³⁵Kabu’mi tu Husyam anna dadi datu tu Hadad, anakna Bedad, sondana, tu untalo Midian dio padang Moab; na iatu kotana disanga Awit.

³⁶Kabu’mi tu Hadad anna dadi datu tu Samla dio mai Masreka, sondana.

³⁷Kabu’mi tu Samla anna dadi datu tu Saul dio mai Rehobot to dio randan salu, sondana.

³⁸Kabu’mi tu Saul anna dadi datu tu Baal-Hanan, anakna Akhbor, sondana.

³⁹Kabu’mi tu Baal-Hanan, anakna Akhbor, anna dadi datu tu Hadar, sondana, na iatu kotana disanga Pahu, na iatu bainena disanga Mehetabeel, anakna Matred, baine nadadian Mezahab.

⁴⁰Inde sia tu sanganna mintu’ pangala tondok tu to bu’tu dio mai Esau, pantan siporapu rapunna sia inanna, siposanga sanganna, iamotu Sia Timna, Sia Alwa, Sia Yetet,

⁴¹na Sia Oholibama, Sia Ela, Sia Pinon,

⁴²Sia Kenas, Sia Téman, Sia Mibzar.

⁴³Sia Magdiel na Sia Iram. Iamote tu mintu’ pangala tondokna Edom sipoinan inanna lan tu tondok napa’tondokkinna. Susimoto tu diona Esau, nene’na to Edom.