Read Toraja-Sa'dan 2 SAMUEL 16 Bible Online

2 SAMUEL 16 - Toraja-Sa'dan bible

2 SAMUEL 16

¹Iatonna solo’mo sidi’ tu Daud dao mai botto tanete, sitammumi Ziba, taunna Mefiboset, sibaa da’dua keledai dilapikki sia unteke’ roti duaratu’ sia deppa bua anggoro’ dirangkei saratu’ sia bua ara saratu’ sia anggoro’ sangkiriba’.

²Nakuami datu lako Ziba: La mupatumbai te mintu’ apa iate? Nakuami Ziba: Iate keledai iate la nasakei to lan tongkonan layukna puangku, na iate roti sia mintu’ bua la nakande mintu’ taunna puangku na uai anggoro’ iate la nairu’ tu to mata’ka’ dio lu padang pangallaran.

³Nakuami datu: Umbamira tu anakna puangmu? Mebalimi tu Ziba lako datu, nakua: Torro ia dio Yerusalem, belanna nakua: Allo ia bangsiamote anna pasulei to Israel tu kadatuanna ambe’ku lako kaleku.

⁴Nakuami datu lako Ziba: Mintu’na tu apanna Mefiboset, iko nasangmo umpoapai. Nakuami Ziba: tukkuna’ mengkaola lako datu; na puangkumora datu umpatiroanna’ kamaturu-turuanna.

⁵Iatonna rampomo tu datu Daud lako Bahurim, tassu’mi inde to dio mai tu misa’ bati’na pa’rapuanna Saul, disanga Simei anakna Gera, sae untampakki ropu datu.

⁶Sia nabatui tu Daud sia mintu’ taunna, moi anna mintu’ to buda sia pa’baraninna lumingka dio kananna sia kairinna.

⁷Susite tu kadanna Simei tonna marassan untampakki ropu nakua: Mallaiko, mallaiko, e pa’patibollo rara sia to bulituk!

⁸Napabala’imo PUANG lako kalemu tu rarana bati’na Saul tu musonda dadi datu, sia Nabenmo PUANG Absalom, anakmu tu kadatuan; manassa lanko kamandasan totemo, belanna misa’ko to pa’patibollo rara.

⁹Attu iato ma’kadami tu Abisai, anakna Zeruya lako datu nakua: Ma’apari natampakkira ropu puangku datu tinde asu mate? Da’ito kumale lian angku sembangi tu ulunna.

¹⁰Apa nakua datu: La siapariki’, e anakna Zeruya? Da’ito natampakkina’ ropu! Iake Nakuai PUANG lako: Tampakki ropu tu Daud, mindaopa la ma’kada kumua: Ma’apai mupogau’i to?

¹¹Sia nakuapa Daud lako Abisai sia lako mintu’ taunna: Akkenna anakku kalena, tu sun dikaleku la ungka’tu sunga’ku, apa pole’pa tu to Benyamin iate. Da’ito natampakkina’ ropu, ke susii kadanNa PUANG lako kalena to.

¹²Den sia manii upa’ anNa tiroi PUANG tu kamaparrisangku anNa kamaseina’ kameloan la sondana tampak ropunna allo iate.

¹³Susito tarru’ bangmi tu Daud sola mintu’ taunna, na iatu Simei male urrundunan mennaa’na tanete tu nasipatuan lian, natampakki lolanan ropu sia nabatui sia nasambo’i barra’-barra’.

¹⁴Rampomi tu datu sola mintu’ to buda nasolan, anna melayo inde to dio, belanna mata’ka’.

¹⁵Iatu Absalom sia mintu’ to buda, iamotu to Israel saemo lako Yerusalem na iatu Ahitofel dio nasolan.

¹⁶Iatonna saemo tu Husai, to Arki, sangmanena Daud mennolo lako Absalom, nakuami, lako: Na maupa’mora tu puangku! Na maupa’mora tu puangku!

¹⁷Apa ma’kada Absalom lako Husai, nakua: Iamoraka te tu kamarurusammu lako sangmanemu? Ma’apai natae’ mumale sola sangmanemu?

¹⁸Ma’kadami tu Husai lako Absalom nakua: Tae’ nasusito, sangadinna minda-minda tu Natonno’ PUANG sia iate mintu’ to buda sia mintu’ to Israel, ia dukamoto tu la umpotauna’ sia ia dukamo la kunii torro.

¹⁹Naminda pole’o tu la kunii mengkaola, ke tae’i nalako anak datu? Susito dolona mengkaolana’ lako ambe’mi, susi duka totemo to lako kalemi.

²⁰Ma’kadami Absalom lako Ahitofel, nakua: Pada la umpatassu’mokomi pa’timbangammi tu apa sipatu la tapogau’.

²¹Ma’kadami Ahitofel lako Absalom, nakua: Melo ke sangampa’i puangku tu mintu’ gundi’na ambe’mi tu napatorro ungkampai tongkonan layuk; susito la narangi mintu’ to Israel tu diona puangku, kumua mipakadake lelemo tu kalemi lako ambe’mi, sia salamatoto’-toto’na tu mintu’ to unturu’komi.

²²Naballarammi misa’ tenda tau tu Absalom dao bubungan, anna sangampa’ Absalom tu mintu’ gundi’na ambe’na dio pentirona mintu’ to Israel.

²³Attu iato iatu kada napokada Ahitofel butung to umpekutanan kadanNa Puang Matua; susimoto tu mintu’ pa’timbanganna Ahitofel naangga’ la Daud, la Absalom.