Read Toraja-Sa'dan 1 OSSORANNA DATU 2 Bible Online

1 OSSORANNA DATU 2 - Toraja-Sa'dan bible

1 OSSORANNA DATU 2

¹Iamote tu anakna muane Israel: Ruben, Simeon, Lewi na Yehuda, Isakhar, na Zebulon,

²Dan, Yusuf na Benyamin, Naftali, Gad na Asyer.

³Iatu anakna muane Yehuda iamotu: Er, Onan na Syela; iamotu tallu tau napadadianni anakna Syua, to Kanaan. Apa iatu Er, pa’bunga’na Yehuda, tae’ naalai penaanNa PUANG tu gau’na, iamoto Napatei.

⁴Iatu Tamar, minintunna baine, umpadadianni Peres na Zerah. Iatu mintu’ anakna muane Yehuda limai.

⁵Iatu anakna muane Peres iamotu: Hezron na Hamul.

⁶Iatu anakna muane Zerah iamotu: Zimri, Etan, Heman, Kalkol na Dara, limai sola nasang.

⁷Iatu anakna muane Karmi iamotu Ahar, tu untumang to Israel, belanna naala tu apa pepayu.

⁸Iatu anakna muane Etan iamotu Azarya.

⁹Na iatu pia muane tu dipadadian Hezron iamotu Yerahmeel, Ram na Khelubai.

¹⁰Na Ram undadian Aminadab, na Aminadab undadian Nahason, arungna to Yehuda.

¹¹Nahason undadian Salma, na Salma undadian Boas.

¹²Boas undadian Obed na Obed undadian Isai.

¹³Isai undadian Eliab, pa’bunga’na, Abinadab, tu ma’penduanna, Simea, tu ma’pentallunna,

¹⁴Netaneel, tu ma’penna’pa’na, Radai, tu ma’pellimanna,

¹⁵Ozem, tu ma’pennannanna na Daud, tu ma’pempitunna.

¹⁶Na iatu anak daranna tau iato mai iamotu Zeruya na Abigail. Iatu anakna muane Zeruya iamotu Abisai, Yoab na Asael, tallui sola nasang.

¹⁷Abigail undadian Amasa, na iatu ambe’na Amasa iamotu Yeter, to Ismael.

¹⁸Na iatu Azuba, bainena Kaleb, anakna Hezron, undadian Yeriot; na iatu anakna muane Yeriot, iamotu Yesyer, Sobab na Ardon.

¹⁹Iatonna matemo tu Azuba umpobainemi Efrat tu Kaleb, anna padadianni Hur.

²⁰Hur undadian Uri, na Uri undadian Bezaleel.

²¹Malemi tu Hezron umpellambi’i anakna Makhir, ambe’na Gilead, napobainei, tonna annanmo pulona taunna, anna padadianni tu Segub.

²²Segub undadian Yair; iate tau iate umparenta duangpulo ntallu kampong lan lili’na Gilead.

²³Apa iatu Gesur sola Aram unnala kampong. Mintu’ kampong iato iamotu Kenat sia mintu’ lili’na, annan pulona kampong. Mintu’ kampong iato nalili’ parentana Makhir, ambe’na Gilead.

²⁴Apa iatonna matemo tu Hezron dio Kaleb-Efrata, iatu Abia, bainena Hezron, umpadadiampi tu Asyhur, ambe’na Tekoa.

²⁵Iatu anakna muane Yerahmeel, pa’bunga’na Hezron, iamotu Ram, pa’bunga’na, nadampi’i Buna, Oren, Ozem na Ahia.

²⁶Apa iatu Yerahmeel kebaine polepa, disanga Atara, iamo indo’na Onam.

²⁷Iatu anakna muane Ram, pa’bunga’na Yerahmeel iamotu Maas, Yamin na Eker.

²⁸Iatu anakna muane Onam iamotu Samai na Yada, na iatu anakna muane Samai iamotu Nadab na Abisur.

²⁹Iatu bainena Abisur disanga Abihail tu umpadadianni Ahban na Molid.

³⁰Iatu anakna muane Nadab iamotu Seled na Apaim; iatu Seled matemo natae’ namembati’.

³¹Iatu anakna muane Apaim iamotu Yisei; iatu anakna muane Yisei iamotu Sesan; iatu anakna muane Sesan iamotu Ahlai.

³²Iatu anakna muane Yada, siulu’na Samai iamotu Yeter na Yonatan; iatu Yeter matemo natae’ namembati’.

³³Iatu anakna muane Yonatan iamotu Pelet na Zaza. Iamote tu bati’na Yerahmeel.

³⁴Iatu Sesan tae’ anakna muane, sangadinna baine manna; iatu Sesan ma’kaunan misa’ to Mesir, disanga Yarha.

³⁵Napasituru’mi Sesan tu anakna baine napobaine Yarha, kaunanna, napadadianni tu Atai.

³⁶Na Atai undadian Natan, na Natan undadian Zabad.

³⁷Na Zabad undadian Eflal, na Eflal undadian Obed.

³⁸Na Obed undadian Yehu, na Yehu undadian Azarya.

³⁹Na Azarya undadian Heles, na Heles undadian Elasa.

⁴⁰Na Elasa undadian Sismai, na Sismai undadian Salum.

⁴¹Na Salum undadian Yekamya, na Yekamya undadian Elisama.

⁴²Iatu anakna muane Kaleb, siulu’na Yerahmiel, iamotu Mesa, pa’bunga’na. Iamo ambe’na Zif, na bati’na Maresa, ambe’na Hebron.

⁴³Iatu anakna muane Hebron iamotu Korah, Tapuah, Rekem na Sema.

⁴⁴Sema undadian Raham, ambe’na Yorkeam, na Rekem undadian Samai.

⁴⁵Iatu anakna muane Samai iamotu Maon, na Maon ambe’na Bet-Zur.

⁴⁶Na Efa, gundi’na Kaleb, undadian Haran, Moza na Gazes; na Haran undadian Gazes.

⁴⁷Iatu anakna muane Yohdai iamotu Regem, Yotam, Gesan, Pelet, Efa na Saaf.

⁴⁸Iatu Maakha, gundi’na Kaleb, undadian Seber na Tirhana.

⁴⁹Sia undadian duka Saaf, ambe’na Madmana na Sewa, ambe’na Makhbena na ambe’na Gibea; na iatu anakna baine Kaleb iamotu Akhsa.

⁵⁰Iamote tu mintu’ anakna Kaleb. Iatu anakna muane Hur, pa’bunga’na Efrata, iamotu Sobal, ambe’na Kiryat-Yearim:

⁵¹Salma, ambe’na Betlehem, na Haref, ambe’na Bet-Gader.

⁵²Iatu bati’na Sobal, ambe’na Kiryat-Yearim, iamotu Haroë na sangsesena Menuhot.

⁵³Iatu pa’rapuanna Kiryat-Yearim iamotu to Yetri, to Puti, to Sumati na to Misrai; lan mai pa’rapuan iate nanii bu’tu to Zora na to Estaol.

⁵⁴Iatu anakna Salma iamotu Betlehem, to Netofa, Atarot-Bet-Yoab, sangsesena to Manahti na to Zori.

⁵⁵Iatu pa’rapuanna to massura’ umpa’tondokki Yabes iamotu to Tirati, to Simati, to Sukhati; iamoto tu to Keni, bati’na Hamat, ambe’na rapu Rekhab.