Read Toraja-Sa'dan 1 OSSORANNA DATU 24 Bible Online

1 OSSORANNA DATU 24 - Toraja-Sa'dan bible

1 OSSORANNA DATU 24

¹Diona golonganna bati’na Harun. Iatu anakna Harun iamotu Nadab, Abihu, Eleazar na Itamar.

²Apa iatu Nadab sola Abihu mate dolo na ambe’na tang ma’dadian bati’, iamoto na iatu Eleazar sola Itamar untoe pentoean to minaa.

³Napapatuimi Daud sola Zadok — bati’na Eleazar — sia Ahimelekh — bati’na Itamar — tu golonganna tau iato mai tu diona pentoeanna.

⁴Naappa’mi tu bati’na Eleazar mandu buda tu pangulu golongan na iatu bati’na Itamar; iamoto nadipapatui pangulu golongan susite: sangpulo annan tu pangulu rapu tu bati’na Eleazar na karua tu pangulu rapu bati’na Itamar.

⁵Napapatuimi golonganna anna loterei, la golongan iate mai la golongan iato mai, belanna la dio mai bati’na Eleazar la dio mai bati’na Itamar, den tu umpangului inan maindan, iamotu pangulunNa Puang Matua.

⁶Iatu sanganna nasura’ Semaya, anakna Netaneel, pangulu to massura’, iamotu to Lewi, dio olona datu sia mintu’ pangulu, to minaa Zadok, Ahimelekh — anakna Abyatar — sia mintu’ pangulu rapunna mintu’ to minaa sia to Lewi; sipissannoi diala tu misa’ rapunna Eleazar, diala dukaoi misa’ tu Itamar.

⁷Iatu pa’loterei bunga’na ungkanna Yoyarib, ma’penduanna ungkanna Yedaya,

⁸ma’pentallunna ungkanna Harim, ma’penna’pa’na ungkanna Seorim,

⁹ma’pellimanna ungkanna Malkia, ma’pennannanna ungkanna Miyamin,

¹⁰ma’pempitunna ungkanna Hakos, ma’pengkaruanna ungkanna Abia,

¹¹ma’pengkaseranna ungkanna Yesua, ma’pessangpulona ungkanna Sekhanya,

¹²ma’pessangpulo misanna ungkanna Elyasib, ma’pessangpulo duanna ungkanna Yakim,

¹³ma’pessangpulo tallunna ungkanna Hupa, ma’pessangpulo a’pa’na ungkanna Yesebeab,

¹⁴ma’pessangpulo limanna ungkanna Bilga, ma’pessangpulo annanna ungkanna Imer,

¹⁵ma’pessangpulo pitunna ungkanna Hezir, ma’pessangpulo karuanna ungkanna Hapizes,

¹⁶ma’pessangpulo kaseranna ungkanna Petahya, ma’penduangpulona ungkanna Yehezkel,

¹⁷ma’penduangpulona mmisa ungkanna Yakhin, ma’penduangpulona ndua ungkanna Gamul,

¹⁸ma’penduangpulona ntallu ungkanna Delaya, ma’penduangpulona nna’pa’ ungkanna Maazya.

¹⁹Iamote tu golonganna tau iato mai la untoe pentoeanna, anna tama banuanNa PUANG susi naatoranni Harun, ambe’na, unturu’i tu apa Napepasanan PUANG, Kapenombanna to Israel.

²⁰Iatu bati’ senga’na Lewi, den dukapa unnala bilanganna bati’na Amram, iamotu Subael, na iatu unnala bilanganna bati’na Subael, iamotu Yehdeya.

²¹Iatu diona Rehabya: iatu unnala bilanganna bati’na iamotu Yisia, tu pangulu;

²²iatu Selomot naala bilanganna to Yizhar; na iatu unnala bilanganna bati’na Selomot iamotu Yahat.

²³Iatu bati’na (Hebron iamotu) Yeria, (tu pangulu), Amarya tu ma’penduanna, Yahaziel tu ma’pentallunna, Yekameam, tu ma’penna’pa’na.

²⁴Iatu bati’na Uziel iamotu Mikha, na dio mai bati’na Mikha iamotu Samir.

²⁵Iatu siulu’na Mikha iamotu Yisia; dio mai bati’na Yisia iamotu Zakharia.

²⁶Iatu anakna muane Merari iamotu Mahli na Musi; iatu anakna muane Yaazia, anakna muane Merari,

²⁷iamotu bati’na Merari dio Yaazia, anakna muane, iamotu Syoham, Zakur na Hibri.

²⁸Dio mai Mahli iamotu Eleazar; iatu Eleazar tae’ nama’dadian muane.

²⁹Na iatu Kish ma’dadian muane iamotu Yerahmeel.

³⁰Na iatu anakna muane Musi iamotu Mahli, Eder na Yerimot. Mintu’i te bati’na Lewi, ke dipasirundunanni rapunna.

³¹Ma’loterei duka tu tau iato mai, susi mintu’ siulu’na, iamotu bati’na Harun, dio olona datu Daud, Zadok, Ahimelekh na mintu’ pangulu rapunna mintu’ to minaa sia to Lewi; la pangulunna mintu’ rapu la adi bongsunna.