Read Toraja-Sa'dan 1 OSSORANNA DATU 7 Bible Online

1 OSSORANNA DATU 7 - Toraja-Sa'dan bible

1 OSSORANNA DATU 7

¹Iatu anakna muane Isakhar iamotu Tola na Pua, Yasub na Simron, a’pa’i.

²Na iatu anakna muane Tola, iamotu Uzi, Refaya, Yeriel, Yahmai, Yibsam na Samuel, pangulu rapunna Tola, to lalong tu dipasilau’ unturu’ kadadianna; iatu bilanganna tau iato mai tonna linona Daud duangpulo ndua sa’bu nnannan ratu’na.

³Iatu anakna muane Uzi iamotu Yizrahya, na iatu anakna muane Yizrahya iamotu Mikhael, Obaja, Yoël na Yisia; lan mintu’nai to lima pangulunna.

⁴Dio lu tau iato mai den tallungpulo nnannan sa’bu surodadu ma’tuntunan, situru’ ossoranna sia rapunna, belanna iatu tau iato mai buda bainena sia anakna.

⁵Na iatu mintu’ siulu’na tau iato mai dio mai mintu’ pa’rapuanna Isakhar, to lalong, mintu’i karua pulona mpitu sa’bunna, tu dipatama sura’.

⁶Iatu anakna muane Benyamin iamotu Bela, Bekher na Yediael, tallui.

⁷Iatu anakna muane Bela iamotu Ezbon, Uzi, Uziel, Yerimot na Iri, limai pangulu rapu, to lalong nasang; sia iatu bilanganna lan sura’na tu tau iato mai duangpulo ndua sa’bu tallungpulo nna’pa’.

⁸Iatu anakna muane Bekher iamotu: Zemira, Yoas, Eliezer, Elyoënai, Omri, Yeremot, Abia, Anatot na Alemet; mintu’i te anakna muane Bekher.

⁹Iatu bilanganna lan sura’na situru’ ossoranna sia pangulu rapunna iamotu duangpulo sa’bu nduaratu’ to ma’din parari.

¹⁰Na iatu anakna muane Yediael iamotu Bilhan, na iatu anakna muane Bilhan iamotu Yeush, Benyamin, Ehud, Kenaana, Zetan, Tarsis na Ahisahar.

¹¹Mintu’i te, bati’na Yediael, situru’ pangulunna rapunna, to lalong; sangpulo pitu sa’bu nduaratu’, tu ma’din dadi surodadu lan pa’telangan kasirarian.

¹²Sia to Supim na to Hupim bati’na Ir; iatu to Husim bati’na Aher.

¹³Iatu anakna muane Naftali iamotu Yahziel, Guni, Yezer na Salum; bati’na Bilha.

¹⁴Iatu anakna muane Manasye iamotu Asriel tu nadadian (bainena); iatu gundi’na; to Aram, undadian Makhir, ambe’na Gilead.

¹⁵Iatu Makhir umpobaine misa’ baine dio mai to Hupim na to Supim; iatu anak daranna Makhir disanga Maakha’; iatu anak ma’penduanna disanga Zelafead. Iatu Zelafead baine (manna tu anakna),

¹⁶apa iatu Maakha, bainena Makhir, undadian misa’ pia muane, nasangai Peresh. Iatu siulu’na disanga Seres, na iatu anakna muane iamotu Ulam na Rekem.

¹⁷Iatu anakna muane Ulam iamotu Bedan. Iamotu tu bati’na Gilead, anakna Makhir anakna Manasye.

¹⁸Iatu anak daranna, Molekhet undadian Isyhod, Abiezer na Mahla.

¹⁹Iatu anakna muane Semida iamotu Ahyan, Sekhem, Likhi na Aniam.

²⁰Iatu bati’na Efraim iamotu Sutelah na Bered, anakna muane Sutelah, na Tahat, anakna muane Bered, na Elada, anakna muane Tahat, na Tahat, anakna muane Elada, na

²¹Zabad, anakna muane Tahat, na Sutelah, anakna muane Zabad sia Ezer na Elad. Iatu to Gat, tu dadi lan tondok iato, umpatei tu tau iato mai, belanna iatu tau iato mai sae la urrampai tu patuoanna.

²²Napassanda bolongammi tu Efraim, nene’ to dolona, tu tau iato mai ba’tu pirang-pirang allo, anna sae tu mai siulu’na umpakatanai.

²³Mangkato malemi sangampa’ bainena, anna ma’tambuk sia undadian misa’ pia muane, tu nasangai ambe’na Beria, belanna narampoi kamasussan tu banuanna.

²⁴Iatu anakna baine iamotu Seera, tu umbangun Bet-Horon Diongna lu na Bet-Horon Daona lu sia Uzen-Seera.

²⁵Iatu anakna muane iamotu Refah, sia Resef, na iatu anakna muane Resef iamotu Telah, na iatu anakna muane Telah iamotu Tahan, na iatu anakna muane Tahan iamotu.

²⁶Ladan, na iatu anakna muane Ladan iamotu Amihud, na iatu anakna muane Amihud iamotu Elisama,

²⁷na iatu anakna muane Elisama iamotu Nun, na iatu anakna muane Nun iamotu Yosua.

²⁸Iatu padang mana’na sia iatu inan nanii torro iamotu Betel sola mintu’ lili’na, umporampe matallo Naaran, umporampe matampu’ Gezer sola mintu’ lili’na Sikhem sola mintu’ lili’na sae lako Aya sola mintu’ lili’na.

²⁹Iatu lili’ parentana to Manasye iamotu Bet-Sean sola mintu’ lili’na, Taanakh sola mintu’ lili’na, Megido sola mintu’ lili’na na Dor sola mintu’ lili’na. Indemote tu nanii torro bati’na Yusuf, anakna Israel.

³⁰Iatu anakna muane Asyer iamotu Yimna, Yiswa, Yiswi na Beria; na Serah, tu anak daranna.

³¹Iatu anakna muane Beria iamotu Heber na Malkiel; iamote tu ambe’na Birzait.

³²Heber undadian Yaflet, Somer na Hotam, na Sua, tu anak daranna tau iato mai.

³³Iatu anakna muane Yaflet iamotu Pasakh, Bimhab na Asywat; iamote tu anakna muane Yaflet.

³⁴Iatu anakna muane Semer iamotu Ahi, Rohga, Yehuba, na Aram.

³⁵Iatu anakna muane Helem, siulu’na Semer iamotu Zofah, Yimna, Seles na Amal.

³⁶Iatu anakna muane Zofah iamotu Suah, Harnefer, Syual, Beri, Yimra,

³⁷Bezer, Hod, Sama, Silsa, Yitran na Beera.

³⁸Iatu anakna muane Yeter iamotu Yefune, Pispa na Ara.

³⁹Na iatu anakna muane Ula iamotu Arah, Haniel na Rizya.

⁴⁰Iamote tu mintu’ bati’na Asyer, pangulunna rapunna, tu ma’iringanna sia to lalong, tu arung mala’bi’na; sia dipatama sura’na tu bilanganna mintu’ to parari duangpulo nnannan sa’bunna.