Read Toraja-Sa'dan 2 OSSORANNA DATU 5 Bible Online

2 OSSORANNA DATU 5 - Toraja-Sa'dan bible

2 OSSORANNA DATU 5

¹Iatonna mangkamo Salomo unggaragai tu mintu’ pengkarangan dio banuanNa PUANG, nabaami Salomo tama tu pareananna Daud ambe’na, tu napamarimbangan; iatu salaka sia bulaan sia iatu mintu’ pareanan iato napatorro lan bilik pangnannan lan banuanNa Puang Matua.

²Iatonna attu iato narampunmi Salomo tu mintu’ pekaamberanna to Israel sia mintu’ pangulu suku, iamotu to paa dio lu rapunna to Israel dio Yerusalem, la umbaai langngan tu patti basseNa PUANG dio mai kotana Daud, iamotu Sion.

³Sirampunmi tu mintu’ muane to Israel lako datu, tonna la mangrara Banua Kabusungan, tonna bulan ma’pempitu.

⁴Iatonna sae nasangmo tu pekaamberanna to Israel, naangka’mi mintu’ to Lewi tu patti.

⁵Anna baai langngan tu patti iato sia Tenda Kasitammuan sia mintu’ pareanan maindan tu lan tenda iato; iatu umbaai langngan, iamotu mintu’ to minaa to Lewi.

⁶Iatu datu Salomo sola mintu’ kombongan to Israel tu sirampun lako kalena dio tingayo patti, umpemalaran domba sola sapi tu tang dikemba’ diia’ sia dibilang belanna buda tongan.

⁷Iatu patti basseNa PUANG nabaa to minaa tama inanna, iamotu bilik dio boko’ lan banua iato, iamotu bilik tarru’ maindan diongna lu pani’ karubion,

⁸naurungan napatiballa’ patomali tu pani’ karubion daona lu inan patti iato sia nasamboi tu patti sola pebullena dao mai.

⁹Iatu bulleanna kalando tongan, naurunganni paan tu tampakna tarangso dio to’ patti dio tingayona bilik dio boko’, apa tang natiro tau dio mai salian. Iatu patti iato tontongpa dio sae lako allo totemo.

¹⁰Tae’ bang apa senga’ lan patti iato sangadinna papan da’dua, tu napalan Musa dao Horeb, tu Nanii PUANG untanan basse sola to Israel, tonna tassu’ tu tau iato mai lan mai Mesir.

¹¹Iatonna tassu’mo tu mintu’ to minaa lan mai inan maindan — belanna iatu mintu’ to minaa tu dio ren mangka umpamaindan kalena sia tae’ naturu’i tu boronganna — ,

¹²bendanmi tu mintu’ to menani to Lewi, iamotu Asaf, Heman, Yedutun sia anakna muane sia siulu’na, ma’pakean lenang melo, dio to’ rampe matallona inan pemalaran sitangke taa’-taa’, dandi na katapi; iatu nasisolan tau iato mai to minaa saratu’ duangpulo umpannoni tarompe’.

¹³Iatonna marassan sola nasang umpannoni tarompe’ sia umpasiala gamaranna tu mintu’ to menani la umpudi sia umpangke’ PUANG, sia umpekapuai gamaranna napasibara’ tarompe’, taa’-taa’ sia oni-onian senga’, sia umpudi PUANG, kumua: Belanna masokan Ia, belanna iatu kamasokananNa tang leluk sae lakona — , pakalan iatu banua iato, iamotu banuanNa PUANG, nakapu’ sangkombong salebu’,

¹⁴naurunganni iatu mintu’ to minaa tang natananmo bendan menomba, belanna iatu kamala’biranNa PUANG ussitutu’imo banuanNa Puang Matua.