Read Toraja-Sa'dan EZRA 2 Bible Online

EZRA 2 - Toraja-Sa'dan bible

EZRA 2

¹Inde sia tu to umpa’tondokki propinsi tu ke’de’ dio mai to dipali’, tu napali’ Nebukadnezar, datu Babel, lako Babel, sia iatu sulemo lako Yerusalem sia lako Yehuda, pantan umpeloloi kotana;

²tu sae nasolan Zerubabel, Yesua, Nehemia, Seraya, Reelaya, Mordekhai, Bilsan, Mispar, Bigwai, Rehum na Baana. Inde sia tu iaranna mintu’ muane to Israel:

³bati’na Paros: duangsa’bu saratu’ pitungpulo ndua;

⁴bati’na Sefaca: talluratu’ mpitungpulo ndua;

⁵bati’na Arah: pituratu’ pitungpulo llima;

⁶bati’na Pahat-Moab, iamotu bati’na Yesua (sia) Yoab: duangsa’bu karuaratu’na ssangpulo dua;

⁷bati’na Elam: sangsa’bu duaratu’ limangpulo nna’pa’;

⁸bati’na Zatu: kaseraratu’na mpatangpulo llima;

⁹bati’na Zakai: pituratu’ annanpulona;

¹⁰bati’na Bani: annanratu’ mpatangpulo ndua;

¹¹bati’na Bebai: annanratu’ duangpulo ntallu;

¹²bati’na Azgad: sangsa’bu duaratu’ nduangpulo ndua;

¹³bati’na Adonikam: annanratu’ annanpulona nnannan;

¹⁴bati’na Bigwai: duangsa’bu limangpulo nnannan;

¹⁵bati’na Adin: a’pa’ratu’ limangpulo nna’pa’;

¹⁶bati’na Ater, iamotu bati’na Hizkia: kaserapulona ngkarua;

¹⁷bati’na Bezai talluratu’ duangpulo ntallu;

¹⁸bati’na Yora: saratu’ sangpulo dua;

¹⁹bati’na Hasum: duaratu’ nduangpulo ntallu;

²⁰bati’na Gibar: kaserapulona llima;

²¹to Betlehem: saratu’ duangpulo ntallu;

²²iatu muane umpa’tondokki Netofa: limangpulo nnannan;

²³iatu muane umpa’tondokki Anatot: saratu’ duangpulo ngkarua;

²⁴iatu to Asmawet: patangpulo ndua;

²⁵iatu to Kiryat-Arim, to Kefira sia to Beerot: pituratu’ patangpulo ntallu;

²⁶iatu to Rama sia to Gaba: ananratu’ duangpulo mmisa;

²⁷iatu muane umpa’tondokki Mikhmas: saratu’ duangpulo ndua;

²⁸iatu muane umpa’tondokki Betel sia Ai: duaratu’ duangpulo ntallu,

²⁹to Nebo: limangpulo ndua;

³⁰to Magbis: saratu’ limangpulo nnannan,

³¹bati’na Elam senga’: sangsa’bu duaratu’ llimangpulo nna’pa’;

³²bati’na Harim: talluratu’ nduangpulo;

³³to Lod, Hadid sia Ono: pituratu’ duangpulo llima;

³⁴to Yerikho: talluratu’ patangpulo llima;

³⁵to Senaa: tallungsa’bu nnannanratu’ ntallungpulo.

³⁶Mintu’ tominaa: bati’na Yedaya, iamotu pa’rapuanna Yesua: kaseraratu’na pitungpulo ntallu;

³⁷bati’na Imer: sangsa’bu limangpulo ndua;

³⁸bati’na Pasyhur: sangsa’bu duaratu’ patangpulo mpitu;

³⁹bati’na Harim: sangsa’bu sangpulo pitu.

⁴⁰Mintu’ to Lewi: bati’na Yesua sia Kadmiel, iamotu bati’na Hodawya: pitungpulo nna’pa’.

⁴¹Mintu’ to menani: bati’na Asaf: saratu’ duangpulo ngkarua.

⁴²Mintu’ to ma’kampa babangan: bati’na Salum, bati’na Ater, bati’na Talmon, bati’na Akub, bati’na Hatita, na bati’na Sobai: mintu’i saratu’ tallungpulo ngkasera.

⁴³Mintu’ to pabali-balian lan Banua Kabusungan: bati’na Ziha, bati’na Hasufa, bati’na Tabaot;

⁴⁴bati’na Keros, bati’na Siaha, bati’na Padon;

⁴⁵bati’na Lebana, bati’na Hagaba, bati’na Akub;

⁴⁶bati’na Hagab, bati’na Samlai, bati’na Hanan;

⁴⁷bati’na Gidel, bati’na Gahar, bati’na Reaya;

⁴⁸bati’na Rezin, bati’na Nekoda, bati’na Gazam;

⁴⁹bati’na Uza, bati’na Paseah, bati’na Besai;

⁵⁰bati’na Asna, to Meunim, to Nefusim;

⁵¹bati’na Bakbuk, bati’na Hakufa, bati’na Harhur;

⁵²bati’na Bazlut, bati’na Mehida, bati’na Harsa;

⁵³bati’na Barkos, bati’na Sisera, bati’na Temah;

⁵⁴bati’na Neziah na bati’na Hatifa.

⁵⁵Mintu’ bati’na taunna Salomo, iamotu bati’na Sotai, bati’na Soferet, bati’na Peruda;

⁵⁶bati’na Yaala, bati’na Darkon, bati’na Gidel;

⁵⁷bati’na Sefaca, bati’na Hatil, bati’na Pokheret-Hazebaim na bati’na Ami;

⁵⁸Mintu’ to pabali-balian lan Banua Kabusungan sia bati’na taunna Salomo, iamotu talluratu’ kasera pulona ndua.

⁵⁹Inde sia tu ke’de’ dio mai Tel-Melah; Tel-Harsa, Kerub, Adan na Imer — apa iatu tau iato mai tae’ naissan untuna’i kumua iatu rapunna sia ossoranna ba’tu naala siai bilanganna to Israel — iamotu

⁶⁰bati’na Delaya, bati’na Tobia, na bati’na Nekoda: annanratu’ limangpulo ndua;

⁶¹sia dio mai mintu’ bati’na to minaa: bati’na Habaya, bati’na Hakos na bati’na Barzilai, tu mangka unnala misa’ baine, bati’na Barzilai, to Gilead, napobainei sia naala tu sanganna tau iato naposangai.

⁶²Mintu’ tau iato undaka’ sura’ tanda kumua mangkamo disura’ lan luntara’, apa tae’ diapparan lan, iamoto nadisarakki lan mai pangka’ katominaan.

⁶³Nagagaimi to maraa lompo tu tau iato mai ungkandei tu kande tarru’ masero sae lako bendan misa’ to minaa untoe Urim sola Tumim.

⁶⁴Mintu’ tu kombongan iato den patangpulo ndua sa’bu talluratu’ nnannan pulona,

⁶⁵senga’ ia tu mintu’ kaunanna muane sia kaunanna baine tau iato mai, tu mintu’na pitungsa’bu talluratu’ tallungpulo mpitu; den dukapa dio lu tau iato mai tu to menani muane sia baine duaratu’.

⁶⁶Iatu darangna tau iato mai den pituratu’ tallungpulo nnannan, na bagala’na duaratu’ patangpulo llima,

⁶⁷untana a’pa’ratu’ tallungpulo llima na keledainna annansa’bunna pituratu’ nduangpulo.

⁶⁸Denmi ba’tu pira-pira tau dio mai tu mintu’ pangulu rapu tonna rampo lako banuanNa PUANG, tu dio Yerusalem, umpa’bengan pa’kamase tanning inaa lako banuanNa Puang Matua, kumua anna dibangun sule dao tu inanna siamo.

⁶⁹Sitinaya pabelanna napa’benganni dipatama inan pangrampunan doi’, la diongkosoran pengkarangan iato: bulaan annanpulona mmisa sa’bunna dirhan,[1] salaka limangsa’bu mina[2] sia saratu’ bayu to minaa.

⁷⁰Iatu mintu’ tominaa sia to Lewi sia ba’tu pira-pira tu to buda sia to menani sia to ma’kampa babangan sia to pabali-balian lan Banua Kabusungan male ma’tondok lan lu kotana sia mintu’ to Israel senga’ lan lu kotana.