Read Toraja-Sa'dan NEHEMIA 7 Bible Online

NEHEMIA 7 - Toraja-Sa'dan bible

NEHEMIA 7

¹Iatonna sundunmo dibangun sule tu rinding tembo’, kupalakoimi ba’bana sia kuangka’ tu mai to ma’kampa babangan, to menani sia to Lewi.

²Kuangka’mi tu Hanani siulu’ku sia Hananya, kamandang benteng, ungkampai Yerusalem, belanna iatu Hananya misa’ to matappa’ sia to ungkataku’ Puang Matua buda tau nalosongi.

³Ma’kadamo’ lako kukua: Da’pa mibungka’i tu babangan Yerusalem, ke tae’pi nakulla’ allo; sia la ditutu’ tu ba’ba, ke bendanmi tu to ma’kampa dio inanna; sia la migonting. Sia pa’tondokan Yerusalem la miato’ tu to ma’kampa, pantan dio inanna sia pantan sipatu banuanna.

⁴Iatu kota iato kalua’ sia kapua, apa sidi’ri tu tau torro lan sia tae’pa nadibangun tu mai banua.

⁵Attu iato Napatiakka’mi Kapenombangku tu penaangku, angku rampunni tu mintu’ to la’bi’ sia pangulu sia to buda, anna disua ussura’i tama luntara’ tu sanganna. Sia kuappa’tu luntara’ dinii ussura’ sanganna tau iato mai tu bunga’na ke’de’, angku apparanni disura’ lan susite, nakua:

⁶Inde sia tu pa’tondokan propinsi, tu ke’de’ lu dio mai padanna to dipali’, tu napali’ Nebukadnezar, datu Babel, sia sulemo lako Yerusalem sia lako Yehuda, pantan umpeloloi kotana;

⁷tu sae nasolan Zerubabel, Yesua, Nehemia, Azarya, Raamya, Nahamani, Mordekhai, Bilsan, Misperet, Bigwai, Nehum na Baana. Inde sia tu iaranna mintu’ muane to Israel:

⁸Bati’na Paros: duangsa’bu ssaratu’ pitungpulo ndua;

⁹bati’na Sefaca: talluratu’ pitungpulo ndua;

¹⁰bati’na Arakh: annanratu’ limangpulo ndua;

¹¹bati’na Pahat-Moab, iamotu bati’na Yesua sia Yoab: duangsa’bu karua ratu’na ssangpulo karua;

¹²bati’na Elam: sangsa’bu duaratu’ limangpulo nna’pa’;

¹³bati’na Zatu: karua ratu’na patangpulo llima;

¹⁴bati’na Zakai: pituratu’ annan pulona;

¹⁵bati’na Binui: annanratu’ patangpulo ngkarua;

¹⁶bati’na Bebai: annanratu’ duangpulo ngkarua;

¹⁷bati’na Azgad: duangsa’bu talluratu’ duangpulo ndua;

¹⁸bati’na Adonikam: annanratu’ annan pulona mpitu;

¹⁹bati’na Bigwai: duangsa’bu annan pulona mpitu;

²⁰bati’na Adin: annanratu’ limangpulo llima;

²¹bati’na Ater, iamotu bati’na Hizkia: kasera pulona ngkarua;

²²bati’na Hasum: talluratu’ duangpulo ngkarua;

²³bati’na Bezai talluratu’ duangpulo nna’pa’;

²⁴bati’na Harif: saratu’ sangpulo dua;

²⁵bati’na Gibeon: kasera pulona llima;

²⁶iatu muane umpa’tondokki Betlehem sia Netofa: saratu’ karua pulona ngkarua;

²⁷iatu muane umpa’tondokki Anatot: saratu’ duangpulo ngkarua;

²⁸iatu muane umpa’tondokki Bet-Azmawet: patangpulo ndua;

²⁹iatu muane umpa’tondokki Kiryat-Yearim, Kefira na Beerot: pituratu’ patangpulo ntallu;

³⁰iatu muane, umpa’tondokki Rama sia Gaba: annanratu’ duangpulo mmisa;

³¹iatu muane umpa’tondokki Mikhmas: saratu’ duangpulo ndua;

³²iatu muane umpa’tondokki Betel sia Ai: saratu’ duangpulo ntallu;

³³iatu muane umpa’tondokki Nebo senga’: limangpulo ndua;

³⁴iatu muane umpa’tondokki Elam senga’: sangsa’bu duaratu’ limangpulo nna’pa’;

³⁵bati’na Harim: talluratu’ nduangpulo;

³⁶to Yerikho: talluratu’ patangpulo llima;

³⁷to Lod, Hadid sia Ono: pituratu’ duangpulo mmisa;

³⁸to Senaa: tallungsa’bu kasera ratu’na ntallungpulo.

³⁹Mintu’ to minaa: Bati’na Yedaya, iamotu tongkonanna Yesua: kasera ratu’na pitungpulo ntallu;

⁴⁰bati’na Imer: sangsa’bu limangpulo ndua;

⁴¹bati’na Pasyhur: sangsa’bu duaratu’ patangpulo mpitu;

⁴²bati’na Harim: sangsa’bu sangpulo pitu.

⁴³Mintu’ to Lewi: Bati’na Yesua, iamotu bati’na Kadmiel sia bati’na Hodewa: pitungpulo nna’pa’.

⁴⁴Mintu’ to menani: Bati’na Asaf: saratu’ patangpulo ngkarua.

⁴⁵Mintu’ to ma’kampa babangan: Bati’na Salum, bati’na Ater, bati’na Talmon, bati’na Akub, bati’na Hatita, na bati’na Sobai: saratu’ tallungpulo ngkarua.

⁴⁶Mintu’ to pabali-balian lan Banua Kabusungan: Bati’na Ziha, bati’na Hasufa, bati’na Tabaot;

⁴⁷bati’na Keros, bati’na Sia, bati’na Padon;

⁴⁸bati’na Lebana, bati’na Hagaba, bati’na Salmai;

⁴⁹bati’na Hanan, bati’na Gidel, bati’na Gahar;

⁵⁰bati’na Reaya, bati’na Rezin, bati’na Nekoda;

⁵¹bati’na Gazam, bati’na Uza, bati’na Paseah;

⁵²bati’na Besai, to Meunim, to Nefusim;

⁵³bati’na Bakbuk, bati’na Hakufa, bati’na Harhur;

⁵⁴bati’na Bazlit, bati’na Mehida, bati’na Harsa;

⁵⁵bati’na Barkos, bati’na Sisera, bati’na Temah;

⁵⁶bati’na Neziah na bati’na Hatifa.

⁵⁷Mintu’ bati’na taunna Salomo: Bati’na Sotai, bati’na Soferet, bati’na Perida;

⁵⁸bati’na Yaala, bati’na Darkon, bati’na Gidel;

⁵⁹bati’na Sefaca, bati’na Hatil, bati’na Pokheret-Hazebaim, na bati’na Amon.

⁶⁰Mintu’ tu to pabali-balian lan Banua Kabusungan sia bati’na taunna Salomo talluratu’ kasera pulona ndua.

⁶¹Inde sia tu ke’de’ dio mai Tel-Melah, Tel-Harsa, Kerub, Adon na Imer — apa iatu tau iato mai tae’ naissan untuna’i, kumua iatu rapunna sia bati’na ba’tu naala siai bilanganna to Israel — :

⁶²bati’na Delaya, bati’na Tobia na bati’na Nekoda: annanratu’ patangpulo ndua;

⁶³sia dio mai mintu’ to minaa: bati’na Habaya, bati’na Hakos na bati’na Barzilai tu mangka unnala misa’ baine, bati’na Barzilai to Gilead, napobainei sia naala tu sanganna tau iato naposangai.

⁶⁴Mintu’ tau iato undaka’ sura’ tanda kumua mangkamo disura’ lan luntara’, apa tae’ nadiappa’, iamoto naditassu’i lan mai pangka’ katominaan,

⁶⁵Nagagaimi to maraa lompo tu tau iato mai ungkandei tu kande tarru’ masero sae lako bendan misa’ to minaa ontoe Urim sola Tumim.

⁶⁶Mintu’ tu kombongan iato den patangpulo ndua sa’bu talluratu’ nnannan pulona,

⁶⁷senga’ ia tu mintu’ kaunanna muane sia kaunanna baine tau iato mai, tu mintu’na pitungsa’bu talluratu’ tallungpulo mpitu; den dukapa to menaninna muane sia baine duaratu’ patangpulo llima.

⁶⁸Iatu untana: a’pa’ratu’ tallungpulo llima na keledainna annan sa’bunna pituratu’ nduangpulo.

⁶⁹Denmi pirai tu pangulu rapu ussorong pamengan lako pengkarangan iato. Iatu to maraa lompo ussorong pamengan tama pangrampunan doi’; sangsa’bu dirhan[1] bulaan, limangpulo pindan pa’pi’pikan, sia limaratu’ tallungpulo bayu to minaa.

⁷⁰Ba’tu pira-pira pangulu rapu ussorong pamengan tama pangrampunan doi’ la diangkosoran pengkarangan iato: bulaan duangpulo sa’bu dirhan, salaka duangsa’bu nduaratu’ mina.[2]

⁷¹Iatu mintu’ apa nasorong to kamban, iamotu bulaan duangpulo sa’bu dirhan, salaka duangsa’bu mina sia bayu to minaa annan pulona mpitu.

⁷²Iatu mintu’ to minaa sia to Lewi sia to ma’kampa babangan sia to menani, sia ba’tu pira-pirai tu to buda sia to pabali-balian lan Banua Kabusungan sia mintu’i tu to Israel senga’, male ma’tondok lan lu kotana.