Read Toraja-Sa'dan ESTER 10 Bible Online

ESTER 10 - Toraja-Sa'dan bible

ESTER 10

¹Napakannaimi sima datu Ahasweros tu tondok menggantananna sia iatu tondok ma’biring tasik.

²Iatu mintu’ penggauranna tu tarompo’ sia mawatang sia kareba umpokada nasangi tu diona kataromposan, tu nanii datu umpakala’bi’ Mordekhai, tang tisura’moraka lan sura’ ossoranna mintu’ datu Media sia Persia?

³Belanna iatu Mordekhai, to Yahudi, mendampi’ lako datu Ahasweros; sia mala’bi’ dio lu mintu’ to Yahudi sia budai tu mai siulu’na ungkamali’i, belanna undakaran kameloan bangsana sia umpokadai tu napomaupa’na mintu’ sangbangsana.