Read Toraja-Sa'dan ESTER 6 Bible Online

ESTER 6 - Toraja-Sa'dan bible

ESTER 6

¹Bongi iato pa’demi tu tikkaru’du’na datu. Mesuami umpopebaai tu sura’ kapengkilalan, iamotu sura’ ossoran, anna basai tau iato mai dio olona datu.

²Naapparammi tau disura’ lan, kumua iatu Mordekhai umpaombo’i tu diona Bigtan sola Teresh, to mase’ponna dua datu, tu naala bilangan to ma’kampa ba’ba, kumua iatu tau iato mai undaka’ lalan la umpata’pai lima datu Ahasweros.

³Ma’kadami datu nakua: Kamala’biran apara sia kadipangkaran apara mangka diben Mordekhai diona tu iannato? Mebalimi tu ba’tu pira-pira to mase’ponna datu tu lan diamanna nakua: Moi misa’ tae’ apa dibenni.

⁴Ma’kadami datu nakua: Mindara tu dio tarampak? Iatu Haman sirupangmo sae lako tarampak saliananna tongkonan layuk kadatuan, la umpokadai lako datu kumua nasulai tu Mordekhai dao lentong tu mangka napabendananni.

⁵Ma’kadami tu mai tomase’ponna datu lako datu nakua: Haman tu bendan dio tarampak. Ma’kadami datu nakua: Suai natama dio mai.

⁶Iatonna tamamo tu Haman nakuami datu lako: La dipatumbai tu tau tu nakalo’ penaanna datu la dipakala’bi’? Nasangami Haman lan penaanna: Minda tu la napakala’bi’ tongan datu ke tae’i naaku?

⁷Iamoto ma’kadami tu Haman lako datu nakua: Iatu tau tu nakalo’ penaanna datu la dipakala’bi’, la susite:

⁸La nabaa tau tu pakean kadatuan, tu biasa datu kalena umpakei sia misa’ darang, tu biasa datu kalena ussakei, tu dibeloi makota kadatuan ulunna.

⁹Na iatu pakean sia iatu darang la dipatoei sala umbannai tu mintu’ arungna datu, iamotu sala umbannai tu tau mala’bi’na, kumua anna papakei sia napakendekki langngan darang tu tau iato, tu nakalo’ penaanna datu la dipakala’bi’ sia narendenni tau tu darang nasakei unnolai tana lapang kota, anna metamba-tamba dio olona, nakua: Susimo dipogaurannito tu tau nakalo’ penaanna datu dipakala’bi’.

¹⁰Ma’kadami datu lako Haman nakua: Madoi’ko unnalai tu pakean sia darang, susitu mangka mupokada, ammu pogau’i susito lako Mordekhai, to Yahudi, tu unno’ko’ lan babangan datu. Moi misa’ tae’ muma’din tang umpogau’i dio mai tu mintu’ apa mangka mupokada.

¹¹Naalami Haman tu pakean sia darang iato, anna papakei tu Mordekhai, anna rendenni unnolai tana lapang kota, nametamba-tamba dio olona nakua: Susimo dipogaurannito tu tau nakalo’ penaanna datu dipakala’bi’.

¹²Mangkato sulemi tu Mordekhai lako babangan datu, apa iatu Haman madoi’ sule lako banuanna, malallang ara’na sia mellullung.

¹³Nauleleanmi Haman lako Zeresh, bainena sia lako mintu’ sangmanena tu mintu’ apa dadi lako kalena. Ma’kadami tu mintu’ to paissan-issanna sia Zeresh, bainena, lako nakua: Iake bati’ to Yahudi tu Mordekhai, tu dio tingayona minii randuk talo, manassa tae’mo mibelai la unneai, sangadinna inang la talo tarru’mokomi dio tingayona.

¹⁴Marassan siapa sipa’kada-kada tau iato mai, saemi ba’tu pira-pira to mase’ponna datu, nasolanni madoi’ tu Haman lako pa’maruasan tu napasakka’ Ester.