Read Toraja-Sa'dan KATASSURAN 6 Bible Online

KATASSURAN 6 - Toraja-Sa'dan bible

KATASSURAN 6

¹Ma’kadami Puang Matua lako Musa, Nakua: Akumo tu PUANG!

²Kupaombo’mo tu Kaleku lako Abraham, Ishak sia Yakub butung Puang Matua Umpoissan angge maritik, apa tae’ natandai tau iato mai, kumua disangaNa’ PUANG.

³Sia tae’ Kutanan mannai tu basseKu sola tau iato mai la ungkamaseanni tu tondok Kanaan, iamotu tondok pempueanna, tu mangka nanii mempue.

⁴Sangadinna Kurangi dukamo tu sarrona to Israel, tu napokaunan to Mesir sia Kukilalaimo tu basseKu.

⁵Iamoto pokadanni to Israel, kumua: Akumo tu PUANG, sia Akumo la ullendokangkomi dio mai pa’diaman napabokkokangkomi to Mesir sia Akumo la ullessurangkomi dio mai pa’kaunananna tau iato mai sia Akumo la ulla’bakkomi tete dio takia’ tiangka’ sia ukungan kapua.

⁶La Kuangka’komi dadi taungKu angKu dadi Kapenombammi, ammi issanni, kumua Akumo tu PUANG, Kapenombammi, tu urrampanangkomi dio mai pa’diaman napabokkokangkomi to Mesir.

⁷Aku la ussolangkomi tama tondok, tu umpalaoNa’ sumpa unnallu’i la umbenni Abraham, Ishak sia Yakub: Akumo la umbenkomi la dadi misa’ mana’, iamotu Aku, PUANG.

⁸Ma’kadami tu Musa susito lako to Israel, apa tae’ naperangii tu Musa, belanna kapussakanna penaanna sia belanna pa’pokaunanan masang iato.

⁹Sia ma’kadapa tu PUANG lako Musa, Nakua:

¹⁰Malemoko sipa’kada Firaun, datu Mesir, anna eloranni tu to Israel tassu’ lan mai tondokna.

¹¹Apa mebali tu Musa lako PUANG, nakua: Akkenna to Israel tae’ namorai umperangii te taumMi, ondong pissanpi tu Firaun na la morai umperangii tu kadangku, te to magasa puduk.

¹²Ma’kadami tu PUANG ussua Musa sola Harun lako to Israel sia lako Firaun, datu Mesir, kumua anna solanni tu to Israel tassu’ lan mai tondok Mesir.

¹³Inde sia tu mintu’ pangulu rapunna anakna Ruben, anak pa’bunga’na Israel, iamotu: Henokh, Palu, Hezron na Karmi; iamote tu mintu’ pa’rapuanna Ruben.

¹⁴Inde sia tu anakna Simeon disanga: Yemuel, Yamin, Ohad, Yakhin, Zohar na Saul, tu misa’ anak napadadianni baine to Kanaan; iamote tu mintu’ pa’rapuanna Simeon.

¹⁵Inde sia tu sanganna mintu’ anakna Lewi, situru’ kadadianna, iamotu: Gerson, Kehat na Merari. Mintu’ tu taun kadadianna Lewi saratu’tallungpulo mpitu.

¹⁶Iatu anakna Gerson disanga Libni na Simei naposanga sanga pa’rapuanna.

¹⁷Iatu anakna Kehat disanga: Amram, Yizhar, Hebron na Uziel; mintu’ tu taun kadadianna Kehat saratu’ tallungpulo ntallu.

¹⁸Iatu anakna Merari disanga Mahli: na Musi; iamote tu mintu’ pa’rapuanna Lewi situru’ kadadianna.

¹⁹Naalami Amram tu Yokhebed, pa’indoranna, napobainei, napadadianni tu Harun sola Musa. Mintu’ tu taun kadadianna Amram saratu’ tallungpulo mpitu.

²⁰Iatu anakna Yizhar disanga: Korah, Nefeg na Zikhri.

²¹Iatu anakna Uziel disanga: Misael, Elsafan na Sitri.

²²Naalami Harun tu Eliseba, anakna Aminadab, siulu’na Nahason, napobainei, napadadianni Harun tu Nadab, Abihu, Eleazar na Itamar.

²³Iatu anakna Korah disanga: Asir, Elkana na Abiasaf; mintu’na te pa’rapuanna to Korah.

²⁴Iatu Eleazar, anakna Harun, naala misa’i tu anakna Putiel napobainei, tu umpadadianni Pinehas. Mintu’na to pangulunna rapunna to Lewi naposanga sanga pa’rapuanna.

²⁵Iamotu Harun sola Musa, tu mangka Nanii PUANG ma’kada, Nakua: Solanni tu to Israel tassu’ lan mai tondok Mesir unturu’ mintu’ tuntunanna.

²⁶Iamotu ma’kada lako Firaun, datu Mesir, anna eloranni tu to Israel tassu’ lan mai tondok Mesir. Iamora tu Musa sola Harun.

²⁷Iatonna ma’kada tu PUANG lako Musa dio tondok Mesir,

²⁸susite tu kadanNa, Nakua: Akumo PUANG; parampoanni Firaun, datu Mesir tu mintu’na Kupokadangko.

²⁹Mebalimi tu Musa dio oloNa PUANG, nakua: Iatu aku te, to magasa pudukna’; ma’apai na la umperangiina’ Firaun!