Read Toraja-Sa'dan AYUB 14 Bible Online

AYUB 14 - Toraja-Sa'dan bible

AYUB 14

¹Iatu tolino tu nadadian baine, tang masae lako tu allo katuoanna sia nabossa kamagiangan.

²Susito bunga tiballa’ anna malayu, sia lendu’ susito bayo-bayo sia tae’ natontong.

³Na iatu tau susito, Mipata’pai dukapa matamMi; Mitambaina’ angku mennolo dio oloMi dipaolai salu.

⁴Denraka misa’ to masero tassu’ dio mai to tang masero — moi misa tae’.

⁵Iake dipamanassami tu allona, sia iatu bilanganna bulanna dipatantumo dio oloMi sia Milampakmo tu anggenna, tu tae’ nama’din nalendu’i,

⁶la Mipatampei matamMi, anna appa’ karapasan, naurungan napopaiman tu allona susito sumaro.

⁷Belanna iatu garonto’ kayu dirannuan siapa, iake dilellengi, la mentaruk sule sia iatu taruk mane la dadinna tae’ natang tassu’.

⁸Iake malaunmi tu uaka’na diong padang sia iatu garonto’na mate diong litak,

⁹manassa mentaruk sule, ke unnambukki uai, anna mentangke susito tananan mane tuo.

¹⁰Apa iake misa’ muane mate, manassa sumpandan sia tang pandiu-diumo; sia iake ka’tumi sunga’na tu tolino, umbara nanii torro?

¹¹Susito uai sumarambu diong mai limbong sia susito salu samere-merena sia marangke,

¹²susi dukamo kasumpandananna tolino to sia tae’mo namillik sule; sae lako kapa’deanna pole’ tu langi’, tae’mo namalimbangun sia tae’mo napandiu dio mai kamammaranna.

¹³Lala sia manii anna alai penaamMi umbunina’ lan lino to mate, sia Mirerungna’ sae lako soro’na tu kare’dekan ara’Mi; sia la Miagianna’ tu misa’ attu, Mimane ungkilalai polena’.

¹⁴Iake matei tu misa’ tau la tuoraka sule? Iake susito, la ma’rannuanna’ lan mintu’ allo kamara’tasangku, sae lako saena tu passondaku.

¹⁵La metambaKomi, angku mebali lako Kalemi, sia Mikamali’ tu panggaraga limamMi.

¹⁶Iake susito, moi amMi ia’i tu tengkaku, tae’ tu kasalan Mitiro dio kaleku.

¹⁷Iatu kapatodo-tintingangku la dipalan misa’ kandu’ sia dica’, sia iato kakelokangku la Mikapu’.

¹⁸Susi misa’ buntu tuan tisambo’-sambo’, sia susi misa’ buntu tilampi’ dio mai inanna,

¹⁹susi uai umpu’pu’i batu, sia uai saba’ ussapui barra’-barra’ dio lu padang, susimoto Minii ungka’tu pa’rannuananna tolino.

²⁰Misau’ sia Mipandasa sae lakona, iamoto namale, Mipopembali tu lindona sia Misua male.

²¹Iake mala’bi’i tu anakna muane, apa tae’ naissanni; ba’tu iake mentobitti’i, moi misa’ apa tae’ natandai diona tau iato.

²²Ia manna tu diona a’ganna duku’na umperasai pa’di’ sia deatanna dosso diona a’ganna.