Read Toraja-Sa'dan AYUB 26 Bible Online

AYUB 26 - Toraja-Sa'dan bible

AYUB 26

¹Apa mebali tu Ayub nakua:

²Lendu’ tongan melona tu pa’tulungmu lako to malamma’ sia untulak takia’ to tang pa’bela!

³Lendu’ tongan melona tu pa’pakilalammu lako to sisayuran kakinaan, sia lendu’ tongan kapuanna tu kapaissanan tu buda tongan mupokadanni!

⁴Mindara pa’tunduan ammu sa’bu’i tu kada susito, sia mindara penaa tu tassu’ dio pudukmu?

⁵Ma’parondo tu bombo tomate diong to’ uai, sia to umpa’tondokki inan iato.

⁶Iatu lino tomate tibungka’ lako Puang sia iatu bambana mukkun tae’ sambona.

⁷Nae’te’ tu rampe daanna lu daona lu apa tang tibori’pa, Natoke’ tu lino dao apa tae’.

⁸Napori tu uai anna sirampun lan salebu’Na, natae’ natessei uai iato tu lapik salebu’.

⁹Nasaludungi tu isungan kapayunganNa, natae’ napaan, belanna Nasamboi salebu’Na.

¹⁰Natarik tu malepongna dao to’ uai, sae lako passaparanna masiang anna malillin.

¹¹Tirodan tu lentongna langi’ sia tiramban napobua’ pa’garrakNa.

¹²Naparapa’ tu tasik tete dio kamatotoranNa, sia Napessambakan tu Rahab tete dio kamanaranganNa.

¹³Tete dio penaanNa namasero tu langi’ sia limanNa urrokki tu ula’ naga malinta’.

¹⁴Manassa iatu iannato tampakna manna tu lalanNa, sia ia manna tu kada pa’bisikNa tarangi dio mai Puang. Mindara ma’din unnattai tu gumalugunna kamatotoranNa?