Read Toraja-Sa'dan AYUB 34 Bible Online

AYUB 34 - Toraja-Sa'dan bible

AYUB 34

¹Ma’kada pole’mi tu Elihu nakua:

²Perangii tu kadangku, e kamu to kinaa, palidannina’ talinga, e kamu to paissan!

³Belanna talinga ussudi tu mintu’ ulelean, susi langi’-langi’ ullae’ kande.

⁴Melo ke kita kalena umpamanassai tu tonganna, sisola urra’ta’i tu melona.

⁵Belanna ma’kada tu Ayub nakua: Iatu aku tonganna’, apa Puang Matua umpadapai tu katonganan dio mai kaleku;

⁶moi anna dio kaleku tu katonganan, bendanna’ susito kamorang-morang, moi angku tang sala, iatu bangkeku tae’mo nama’din mondo.

⁷Mindara tau susi Ayub, tu sende ma’kada solang susito unniru’ uai,

⁸tu tontong sikadamak to umpogau’ kakelokan, sia sikalute to tang mekaaluk?

⁹Belanna mangka ma’kada nakua: Tae’ gai’na lako tolino, ke napopaimanni sikadamak Puang Matua.

¹⁰Iamoto, kamu te to paissan, perangiina’, kumua Iatu Puang Matua toyang dio mai katangmekaalukan, sia To umpoissan angge maritik toyang dio mai katangmaloloan.

¹¹Senga’ tongan ia tu Puang, umpabala’i tu penggauranna tolino sia pantan Naperasai sitinaya kedona.

¹²Tonganna Iatu Puang Matua tae’ Napogau’ tang malambu’, sia To umpoissan angge maritik tae’ Napakelok salunna.

¹³Mindara ussoronganni Naparentai te lino sia mindara umparandanganni te lipu daenan?

¹⁴IakenNa palan penaai Puang tu tolino, sia Naala Puang sule tu sumanga’na sia penaanna,

¹⁵manassa attu iato mintu’ apa kepenaa pada-pada la ka’tu sunga’na, sia la sule tu tolino lako barra’-barra’.

¹⁶Iake paissankomi, perangii te iannate, tananni talinga te buangan kadangku.

¹⁷Ma’dinraka misa’ tau, tu ungkabiri’ salunna, la ma’parenta, ammi pasalara To malambu’ sia To paonganan,

¹⁸iamotu Puang, tu ma’kada lako misa’ datu, Nakua: E to tang kebattuan, sia lako to la’bi’, Nakua ungkuanni: E kamu to tang mekaaluk;

¹⁹tu tang umpelindo arung, sia tang umpalosongan to mala’bi’ anna to bitti’, belanna mintu’nato panggaraganNa nasang?

²⁰Lan sangkappidian mata nanii mate, ondongpi lan tangngana bongi, anna tiramban tu mai bangsa, anna sabu’, sia Napa’dei To unnampui kuasa, tangia tete dio penggauran tolino.

²¹Belanna iatu matanNa umpenunu lalanna tolino, sia Natiro tu mintu’ tengkana.

²²Tae’ naden len kamalillinan ba’tu lillinan parrak, tu nanii to umpogau’ kakelokan ma’din membuni.

²³Belanna tae’ Natempoanni Puang tu tolino misa’ attu, nanii la mennolo lako Puang Matua la dipaolai salu,

²⁴iatu to paa Nasanggang Puang, anna tang diparessa, sia Naangka’ tu to senga’ ussondai.

²⁵Iamoto, Napalan penaai Puang tu penggauranna, sia Napessambakan Puang tu tau iato ke mabongi, naurungan disanggang tu tau iato mai.

²⁶Napamaparri’ Puang tu tau iato susito tang mekaaluk dio lu tu inan nanii tau untiroi,

²⁷belanna sorong boko’mo dio mai Kalena, sia moi misa’ tu lalanNa, tae’ napalan penaai,

²⁸naurungan ia naposumarro to bitti’, anna landa’ langngan Puang, anNa perangii Puang tu tangi’na to mandasa.

²⁹Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi — la pada-pada tu misa’ bangsa ba’tu misa’ tau —

³⁰kumua da na iatu to tang umbilang Puang Matua dadi datu, tu to dadi poya lako to buda.

³¹Apa iake den misa’ tau ma’kada lako Puang Matua nakua: Mangkamo’ matampo, apa tae’mo kula ma’gau’ masa’ga’;

³²iatu apa tang kuissan, melo Puang unnada’ina’; iake mangkamo’ umpogau’ tang malolo, tae’mo kula umpogau’ pole’i —

³³sipatuparaka tu Puang umpapakkanni tu penggauranna tau iato, ke passangammi? Belanna pasayumokomi, kamu kalenamo urra’ta’i, tae’ naaku; pokadai tu apa miissan.

³⁴Iatu to paissan la ungkuanna’ sia kinaa, tu umperangiina’, nakua:

³⁵Iatu Ayub ma’kada tang kebattuan sia iatu kadanna tang nalisa’i patiro penaa.

³⁶Melo ke ditobai sia dipandasa tonganni tu Ayub sae lako sumpunna belanna iatu pebalinna susito kadake gau’!

³⁷Belanna iatu kasalanna naranganni pole’ kapatodo-tintingan, iamotu massala’pa dio tingayoki sia ungkada layukki Puang Matua.