Read Toraja-Sa'dan PA’PUDIAN 137 Bible Online

PA’PUDIAN 137 - Toraja-Sa'dan bible

PA’PUDIAN 137

¹Dio randan salu Babel, kinii sio’koran, angki tumangi’, tongki kilalai Sion.

²Iatu su’dekanki kisedan inde to, dio to’ kayu ra’de’.

³Belanna inde to nanii ussuakan menani tu mai to urrampakanni, sia undaka’ kasendean tu mai to umpa’dikkikan nakua: Penaniangkanni misa’ tu mai nanian Sion.

⁴Umbara la kikua umpopenani nanian PUANG, dio lu padang tau?

⁵E Yerusalem, tang nakilalaimo lima kananku tu kalena, ke la tang kukilalaimoroko.

⁶Nala’ka’mora tu lilaku langngan langi’-langi’ku, ke susinna tae’i angku kilalaiko, ke susinna tang kupakasallei tu Yerusalem losong anna iatu kasendean ma’iringangku.

⁷Papakkanni, o PUANG, tu bati’ Edom, diona tu allo kasangganganna Yerusalem, tu mangka ma’kada nakua: Saeranni, saeranni,

⁸Sae lako garonto’ tembo’na! E anak dara Babel, tu la sanggang, maupa’ tu to umpapakkanniko, diona tu kakadakean mugaurangkan.

⁹Ondongpi, maupa’ tu to ulla’ka’i tu mai anakmu, anna passambakanni lako batu.