Read Toraja-Sa'dan PA’PUDIAN 14 Bible Online

PA’PUDIAN 14 - Toraja-Sa'dan bible

PA’PUDIAN 14

¹Lu lakona pangala sengo, Pa’pudian Daud. Nakua tu to baga lan penaanna: Tae’ ia tu Kapenomban. Lendu’ ia mesolanginna sia megi’giranna tu penggauranna tau iato mai; sia tae’i misa’ umpogau’ melo.

²Napemaranga PUANG lan mai suruga tu mintu’ ma’rupa tau la untiroi ba’tu la den siai misa’ tau unnampui tangnga’ kinaa, ba’tu la denni misa’ tau undaka’ Puang Matua.

³Pusa nasangmo tu tau iato mai, sia kelok nasangmo; tae’mo tau misa’ umpogau’ melo, moi misa’ tae’ dukamo.

⁴Tae’raka kapaissananna tu mintu’ to ma’gau’ kadake tu unnimbakan taungKu butung ungkande bo’bo’? Sia tae’ nametamba lako PUANG.

⁵Indeto nanii urrampoi kaselangan sola nasangi, belanna Puang Matua urrondong to tama bilanganna to malambu’.

⁶Moi midampa tu tanan penaanna to dipandasa, apa PUANG tu pentirerunganna.

⁷Naludaomora mai Sion tu kamakarimmananna to Israel! Iake Napaka’pannimi PUANG sule tu serongna taunNa, maneri parannu paiman tu Yakub, la sende pakadua tu Israel.