Read Toraja-Sa'dan PA’PUDIAN 141 Bible Online

PA’PUDIAN 141 - Toraja-Sa'dan bible

PA’PUDIAN 141

¹Pa’pudianna Daud. Meongli’na Mati’, o PUANG, madomi’Komi sae mai kaleku, tanding talingana’, ke meongli’na’ mati’ Kalemi.

²Tarimai tu passambayangku butung to pemala’ butagari, sia pempala’ku tu butung pemala’ karoen.

³O PUANG, kampai tu tongka’ dililaku, sia karitutui tu randan pudukku.

⁴Da Mieloranni tu penaangku malang lako kakadakean, kupourunganni umpogau’ katangmekaalukan, sola tu mai to bulituk, sia da angku kandei tu mai kande mammi’na.

⁵Iake napata’paina’ lima to malambu’, iamo misa’ kameloan to. Sia iake napandasana’, iamo butung dibolloi boka’ tu ulungku to, tae’ nakanokai ulungku, belanna tontong tu passambayangku unneai tu kakadakeanna tau iato mai.

⁶Iake dipella’pakan nasangmi rokko sapak batu tu to ma’paolainna salu tau iato mai, maneri natimang tau iato mai tu kadangku, belanna marasa.

⁷Susi to ma’tengko sia to umbuak padang, ten dukamoto tu mintu’ buku rapoki tisambo’ dio to’ ba’ba lino to mate.

⁸O PUANG Puangku, mentingarana’ mati’, mati’ kunii mentilindung, da dikka’ amMi tibei tu deatangku.

⁹Rinding pala’na’ dio mai poya tu natananammo’, sia dio mai ba’tikanna to umpogau’ kakadakean.

¹⁰Da’ito anna ia naala poyana sule tu mai to tang mekaaluk, angku makarimman.