Read Toraja-Sa'dan PA’PUDIAN 142 Bible Online

PA’PUDIAN 142 - Toraja-Sa'dan bible

PA’PUDIAN 142

¹Gelong bangunan ada’na Daud tonna lan lo’ko’. Misa’ passambayang.

²Meongli’na’ langngan PUANG umpekapuai gamarangku, sia mengkamoyana’ langngan PUANG umpemandui gamarangku.

³Umbuangna’ sarroku dio oloNa, sia ussorongna’ kamaparrisangku dio tingayoNa.

⁴Iake bonnongi tu penaangku lan, Mitandai tu lalanku. Tau iato mai untananni bunina’ poya, dio to’ lalan la kuolai.

⁵Iake mentirona’ lako kananku sia umpata’pa matangku — moi misa’ tau tae’ ussailena’; iake tae’mo pentionganangku — moi misa’ tau tae’ ungkambaroanna’.

⁶O PUANG, meongli’ mati’na’ Kalemi; kukua: Kamumo tu pentionganangku, sia kamumo tu kataanangku illan tondok to tuo.

⁷Parinaai tu pengkamoyaku belanna tang pakulle tonganmo’; rinding pala’na’ dio mai mintu’ to unnula’ sumpuna’, belanna nasau’na’ tau iato mai.

⁸Tassu’ina’ lan mai pa’pattangan, angku pudii tu sangamMi; la naepunna’ tu mai to malambu’, ke Mipogau’mi tu kameloan lako kaleku.