Read Toraja-Sa'dan PA’PUDIAN 146 Bible Online

PA’PUDIAN 146 - Toraja-Sa'dan bible

PA’PUDIAN 146

¹Haleluya! E sumanga’ku pudimi tu PUANG.

²La kupudi tu PUANG, angge tuoku, sia la kupakendekan pa’pudian tu Kapenombangku, ke ten siapa’ to.

³Da misande’ lako tu mai to la’bi’, ba’tu lako ma’rupa tau tu tae’ kasalamaran dio.

⁴Ia anna sisarakmo angin dipudukna, sulemi lako tampa ito’na, iamotu litak, sia iato kulla’ dirande lu langngan, ta’pa pa’demi tu mintu’ lalan pa’inaanna.

⁵Maupa’ tu tau, ke Kapenombanna Yakub tu patunduanna, sia to umposande’ PUANG, Kapenombanna.

⁶Tu ungkombong langi’ sola lino, sia tasik na mintu’ issinna, sia To untoe kamarurusan tontong sae lakona.

⁷To ussanda tonganni to dipandasa, sia umben kande to topo, PUANG urrampanan to dirante bassi.

⁸Sia PUANG umpamillik mata to buta, PUANG umpakalolo to tikongko, sia PUANG ungkamasei to malambu’.

⁹PUANG urrinding pala’ to sae, sia ungkulambu taruno pia biung sia baine balu, apa iatu lalanna to tang mekaaluk Naempai.

¹⁰Iatu PUANG, iamo Datu matontongan sae lakona, sia iatu kapenombammu, e Sion, landa’ lako disituran-turananni. Haleluya!