Read Toraja-Sa'dan PA’PUDIAN 19 Bible Online

PA’PUDIAN 19 - Toraja-Sa'dan bible

PA’PUDIAN 19

¹Lu lakona pangala sengo. Pa’pudianna Daud.

²Mintu’ langi’ unnulelean kamala’biranNa Puang Matua, sia batara umpa’peissanan panggaraga limanNa.

³Allo umpokadanni kada tu allo, sia bongi umpa’peissananni lako bongi.

⁴Tae’ basana sia tae’ kadanna; tae’ misa’ tau urrangi gamaranna.

⁵Moi susito situtu’mo mintu’ lino tu pa’uleleanna, sia landa’mo lako randanna langi’ tu kadanna. Indeto Nanii Puang umpabendananni tenda tu matanna allo.

⁶Tu butung misa’ muane ma’rampanan kapa’ sun lan mai bilikna, sia sende paiman butung pa’barani la ullingkai lalanna.

⁷Iatu kadellekanna dio mai randan langi’, sia kamenggulilinganna landa’ lako randan sangbalinna, na moi misa’ apa tae’ kalalunan dio mai kamapannanganna.

⁸Iatu Sukaran alukNa PUANG sundun, sia umpapaya penaanna tau; iatu kasa’bianNa PUANG matappa’, sia umpabu’tuan kakinaan to tang paissan.

⁹Iatu parentaNa PUANG manappa’, sia umpasende penaa; pepasanNa PUANG masero, sia umpemarorrongi mata.

¹⁰Iatu kamatakuran lako PUANG masallo’, sia tontong sae lakona; atoranna PUANG tonganna; sia malambu’ nasang.

¹¹Tu mandu maballo anna bulaan, moi na bulaan tasak buda; sia mandu matanning na tani’ enoan, sia iatu lannapa serangna.

¹²Sia iamo la umbangunni ada’ taumMi, na diona kanaturusanna kapua tongan poleanna.

¹³Mindara tu unnissan mintu’ kapusanna? Seroi pindanna’ dio mai mintu’ kasalan tang dikita.

¹⁴Karitutui dukai tu taumMi dio mai kamatampoan, da nataloina’ tu kamatampoan; manera’ tang sayuan, sia masero pindan dio mai sala kapua.

¹⁵Sangapaoi anna iatu mintu’ kada sun dio pudukku sia tangnga’ diong penaangku naala penaamMi, o PUANG, buntu batungku sia To mangla’bakku.