Read Toraja-Sa'dan PA’PUDIAN 23 Bible Online

PA’PUDIAN 23 - Toraja-Sa'dan bible

PA’PUDIAN 23

¹Pa’pudianna Daud. PUANGmo tu to manglaaku; tae’ angku kapu’duran len.

²Ia umpamamma’na’ dio to’ inan maluna riunna, sia Ia ussolan mana’pana’ lako to’ uai ma’tan.

³Ia umpamatana deatangku, sia ussolanna’ lako mintu’ lalan malolo, diona sanganNa.

⁴Moi angku olai lombok malillin parrak, tae’ duka kukataku’ kasanggangan, belanna Mirondongna’, tarasulu’Mi sia ta’baMi umpakananna’ penaangku.

⁵Kamumo umpalennaranna’ sandukanku, nakadongai mintu’ ualingku; sia Kamumo umbolloi minna’ tu ulungku, sebo tu irusangku.

⁶Inang manassa tontongna’ nasa’pi’ kameloan sia kamasokanan angge tuoku, sia la torrona’ lan banuanNa PUANG tontong sae lakona.