Read Toraja-Sa'dan PA’PUDIAN 29 Bible Online

PA’PUDIAN 29 - Toraja-Sa'dan bible

PA’PUDIAN 29

¹Pa’pudianna Daud. Palu lakoi PUANG tu mintu’ kadipangkeran, e mintu’ malaeka’, pudimi tu kamatotoranNa PUANG!

²Palu lakoi PUANG tu kadipangkeran sipato’na sanganNa, penombai tu PUANG situang kassa’ masero.

³Iatu gamaranNa PUANG gumalugu dao lu uai, iatu Puang Matua sumpu mala’bi’ umpamagaluntu’ guntu’, Iamotu PUANG untongkonni mintu’ uai buda.

⁴Iatu gamaranNa PUANG kapua paanna, sia iatu gamaranNa PUANG naepun kamala’biran.

⁵Iatu gamaranNa PUANG umpasiapanan kayu arasi’, ondongpi PUANG umpasiapanan kayu arasi’ dao Libanon.

⁶Umpalumumpa’ lenni tu mintu’na ten to anak sapi laki, tu Libanon sola Siryon butung anak sapi lampung laki.

⁷Iatu gamaranNa PUANG umpopellepa’ api kila’;

⁸iatu gamaranNa PUANG umpatipio padang aak, sia PUANG umpatipio padang aak Kadesh.

⁹GamaranNa PUANG umpatibussan anak donga birang sun; sia umpesei pangala’ tamman. Apa lan banua kabusunganNa mintu’ issinna ma’kada; lu lako Kalena tu kamala’biran!

¹⁰Iatu PUANG unnisungmo dao lu uai buda, ondongpi iatu PUANG unnisung butung datu sae lakona.

¹¹PUANG la umpa’kamasean kamatotoran lako taunNa, PUANG la umpassakkei kamarampasan tu taunNa!