Read Toraja-Sa'dan PA’PUDIAN 48 Bible Online

PA’PUDIAN 48 - Toraja-Sa'dan bible

PA’PUDIAN 48

¹Misa’ sengo. Pa’pudianna to Korah.

²Iatu Puang mala’bi’ sia sipatu tongan dipudi lan kotaNa Kapenombanta, dao buntu maindanNa.

³Iatu buntu Sion maelo malangka’na daanna lu tampak ulunna salu, iamo naposende sangullele lino, Sia iamo kotana Datu kapua.

⁴Umpa’pepayanammo Kalena tu Puang Matua lan tongkonan layukNa la mendadi tambakuku matoto’.

⁵Belanna mintu’na datu sipulungmo, ke’de’ sola nasang untu’ba’i;

⁶Tonna tiroi tau iato mai tirambanmi, sia mataku’mi sola nasangi namallai.

⁷Narampoimi kama’parondoan tu tau iato mai inde to, sia kamapa’diran susito baine mangurria’.

⁸Angin lu lan mai rampe matallo mipatiramo-ramoanni tu kappala’ Tarsis.

⁹Susito kiranginnamo, ten dukamo tu kitirona lan kotaNa PUANGna mintu’ ma’dandan maritik, lan kotaNa Kapenombanta, Puang Matua tu la umpabintinni tontong sae lakona. Sela

¹⁰O Puang Matua, kikilalai bang tu kamasokanamMi lan lisu banuamMi.

¹¹O Puang Matua, umba susitu sangamMi, ten dukamoto tu kadipudiamMi landa’ lako randan langi’; iatu lima kananMi buke kamaloloan.

¹²Melo ke parannui tu buntu Sion, sia sila’tekan tu anak dara Yehuda. Belanna mintu’na tu pa’paolaimMi salu.

¹³La ullilingikomi Sion sia salongi, mibilangi tu menarana.

¹⁴Tiro meloi tu benteng salianna sia manta-mantai tu mai tongkonanna, ammi issanni unnuleleananni bati’mi,

¹⁵Kumua manassa tongan, susimoto tu Puang Matua, Iamo Kapenombanta, tontong sae lakona; Iamo mesolan landa’ lako mateta.