Read Toraja-Sa'dan PA’PUDIAN 66 Bible Online

PA’PUDIAN 66 - Toraja-Sa'dan bible

PA’PUDIAN 66

¹Lu lakona pangala sengo. Misa’ nanian pa’pudian. Sende paimankomi lako Puang Matua, e mintu’ banne lino,

²Pakendekanni pa’pudian tu kamala’biranna sanganNa, pakala’bi’ tu kadipudianNa.

³La ma’kadakomi lako Puang Matua, kumua: Lendu’ metakuranna tu mintu’ penggauramMi, mintu’ duka ualimMi pudukna bangri mengkanorong Mati’ belanna kuasa kapuamMi.

⁴Sielle’ tu mintu’ banne lino umpenombaiKomi, sia umpakendek pa’pudian Mati’, sia umpakendek pa’pudian umpakala’bi’ sangamMi. Sela

⁵Maikomi untiro penggauranNa Puang Matua; metakuran tu penggauranNa lako mintu’ ma’rupa tau.

⁶Napopengkarangkean tu tasik, sia lumingka tu tau ullamban salu, inde to tanii umpoparannu Puang Matua.

⁷Ia ma’parenta tontong sae lakona tete dio kamatotoranNa, sia matanNa umpenunu mintu’ bangsa, da naumpamatampo kalena tu to pabali-bali. Sela

⁸E mintu’ bangsa, pudimi tu Kapenombanta, sia pemandui tu gamara umpa’perangian kadipudi-pudianNa.

⁹Tu umpapaya deatanta, sia tang unneloran lentekta tilende’.

¹⁰Belanna Kamumo, o Puang Matua, mangka ussandakkan, sia Misudimokanni butung to ussudi salaka.

¹¹Mipatamamokan tama bunde, sia Mipapassannimokan pamaan untondon tongankan.

¹²Sia Mipopa’elo’na tu tau umpessompoi ulungki, tamamokan to’ api sia to’ uai, apa mangkamokan Mibaa lako sanda malona’na.

¹³La tamana’ banuamMi umpennoloan pemala’ ditunu pu’pu’, la umpalesso’ pangallonangku mati’ Kalemi:

¹⁴Tu napaombo’ randan dipudukku sia nasa’bu’ dara’ lengko lilaku, tongku lan kamaparrisan.

¹⁵La Kupemalaran mati’ Kalemi tu ba’tu pira-pira pemala’ ditunu pu’pu’, iamotu patuoan malompo, sia bau rambunna domba laki; la kupennoloan ba’tu pira-pira sapi sola bembe’ laki. Sela

¹⁶E kamu sola nasang tu ungkataku’na Puang Matua, maikomi umperangii, la kuulelean tu apa Napogau’ lako tondon to batangku.

¹⁷Sunmo dio pudukku meongli’ lako Kalena, natiba’tik tu lilaku umpudi-pudi Puang.

¹⁸Iake susinnai la lu lakoi kakadakean tu penaangku, manassa inang tang natanding talingana’ Puang.

¹⁹Apa inang Natanding talingana’ Puang Matua, sia Naparinaa tu pengkamoyaku.

²⁰Mintu’na kadipudian lu lako Puang Matua tu tang untumpu pa’palakungku sia tang umpasitoyanganna’ kamasokananNa.