Read Toraja-Sa'dan PA’PUDIAN 91 Bible Online

PA’PUDIAN 91 - Toraja-Sa'dan bible

PA’PUDIAN 91

¹Minda-minda umpoperinding pala’ To Patodoranna, tau iato mai Nakulambu taruno To umpoissan angge maritik.

²Ma’kadana’ lako PUANG kukua: Kamumo tu pentilindungangku sia tambakukungku, iamo Kapenombangku tu kuposande’.

³Belanna ia la urrampanangko dio mai poyana to mamoya, sia dio mai ropu mesabu’i.

⁴Iamo la unnonganniko pani’Na, sia diong kalepakNa munii mentilindung; kamarurusanNa tu mupobalulang sia mupokararran.

⁵Da’omo ammu kataku’ metakuranna kebongi, ba’tu tinaran sumayo ke kulla’i allo.

⁶Ba’tu ropu tu lu lako lu dio mai ke malillinni, ba’tu rammun pasanggangan ke ma’tangngai allo.

⁷Sangsa’bu tau tibambang dio sa’demu, sia sanglampa dio kananmu; apa tae’ nala ullambi’ko.

⁸La mutiro bangri mata ba’rummu, ammu kitai tu pakkanna lako to tang mekaaluk.

⁹Belanna kamuri, o PUANG, perinding pala’ku, mutonno’mo tu patodoranna mupopentilindungan.

¹⁰Moi misa’ kamandasan tae’ la urrampoiko, sia moi misa’ parri tae’ la urrandan len tendamu.

¹¹Belanna la Nakuan tu mai malaeka’Na diona iko anna rinding pala’ko dio lu lalanmu.

¹²La narande pala’ko’ da natitodo tu lentekmu lako batu.

¹³La mulullu’ tu singa sia ula’ rame, ondongpi iatu anak singa sia saa la mulullu’ parapa.

¹⁴Belanna la’ka’ tongan lako Kaleku, iamoto angKu la urrampananni, sia belanna natandai tu sangangKu, iamoto angKu la urrinding pala’i.

¹⁵Ianna meongli’ ussa’bu’na’, la Kubalii; sia la Kurondong lan mintu’ kamandasanna, la Kurampanan sia la Kupamala’bi’.

¹⁶La Kupeliui kamalamberan sunga’ tu penaanna, sia la Kupakitan kasalamaran lu dio mai Kaleku.