Read Toraja-Sa'dan PA’PUDIAN 94 Bible Online

PA’PUDIAN 94 - Toraja-Sa'dan bible

PA’PUDIAN 94

¹O PUANG, Kapenomban ma’papakkanni, o Kapenomban ma’papakkanni, popengkillangi tu Kalemi.

²Ke’de’Komi, o To ma’paolai salu lako te lino, parampoi pepakkan tu mintu’ to matampo.

³O PUANG, la sangapapira tu to tang mekaaluk, la sangapapira tu to tang mekaaluk la sila’tekan?

⁴Tau iato mai ma’be’se sia ma’kada matampo, mintu’i tu to umpogau’ kakadakean ussattuan kalena;

⁵Tau iato mai umbala’-bala’ taumMi, sia umpandasa mana’Mi.

⁶Napatei tu mai baine balu sia to sae, sia urrere’ pia biung.

⁷Nakua: Tae’ Natiroi PUANG, sia tae’ anNa issanni Kapenombanna bati’na Yakub.

⁸Palan ara’i, e to baga pu’pu’ lan bangsa iate, e to tang keinaa, piranra mimane la kinaa?

⁹Ma’apai anna tang la parangi tu To ungkombong talinga? Ma’apai anna tang la patiro tu To umpadadi mata?

¹⁰Ma’apai Ia tu To unnada’i mintu’ bangsa, anna tang la mangukung, Iamotu To umpatudu to lino?

¹¹Naissan PUANG tu mintu’ tangnga’na to lino, kumua iatu iannato tang kebattuan.

¹²Maupa’ tu to Miada’, o PUANG, sia to Mipatudu lan mai sukaran alukMi.

¹³Kumua amMi karimmanni dio mai attu kamaparrisan. Sae lako dibo’bokanna patuang lambe’ tu to tang mekaaluk.

¹⁴Belanna tae’ anNa la ussuale pala’i PUANG tu taunNa, sia tae’ anNa la untampei tu mana’Na:

¹⁵Belanna iatu pa’paolai salu la sule lako kamalamburan, sia mintu’ to bulo lollong la umpengkaolai.

¹⁶Mindara tu la untunduina’ unnea to umpogau’ kakadakean? Sia mindara tu la umpessula’ina’ unnea to sakka’ gau’?

¹⁷Iakenna tang PUANG mangka untunduina’, manassa sidi’mora anna lendu’ tama inan malalundun tu deatangku.

¹⁸Iatongku kua: La tilende’ tu lentekku. — Nasande’na’ kamasokanamMi, o PUANG.

¹⁹Iatonna sakerangngan-rangngannamo tu kamagiangan lan ba’tengku, napasendemi mintu’ pa’pakatanamMi tu penaangku.

²⁰Ma’apai amMi la siayoka isungan nanii tonang pasangganganna, tu melo salian naumpabu’tu kamaparrisan.

²¹Tau iato mai sama turu’ la unnala sunga’na to malambu’, sia untiro kadake rarana to tang sala.

²²Apa PUANGmo tu kupotambakuku. Sia Kapenombangku kupobuntu batu pentirerungan.

²³Ia umpapakkanni kabulitukanna tau iato mai, sia Ia la ussabu’i sola nasangi lan kakadakeanna, pissanmito la Nasabu’i PUANG Kapenombanta tu tau iato mai.