Read Toraja-Sa'dan TOMANGADA’ 6 Bible Online

TOMANGADA’ 6 - Toraja-Sa'dan bible

TOMANGADA’ 6

¹Den misa’ kamandasan kutiro lan naarrang matanna allo, tu mandu unni’pinni tau,

²iamotu tau Naben Puang Matua kasugiran, ianan buda sia kapaan, naurungan moi misa’ tae’ kurang tu mintu’ apa nakamorai, apa tae’ Naeloranni Puang Matua la umperasai melona, sangadinna to senga’ pura ungkandei. Iatu apa iato tae’ gai’na sia umpa’dikki tongan penaa.

³Iake pessaratu’i tu tau kianak sia tuo ba’tu pirang-pirang taun, na iatu kamala’biranna pada tande umuru’na, apa tae’ nadipedia’i tu penaanna diona tu melona sia tae’ nadikamayai ke dilamunni — manassa nakua kadangku: La’biran iatu pia dadi mangura na iatu tau iato.

⁴Belanna tama lino situang a’ganna tae’ gai’na, anna male lan kamalillinan, anna samboi kamalillinan tu sanganna.

⁵Tae’ duka natiroi tu mata allo sia natandai. Rapa’ melo ia tu pia dadi mangura na iatu tau iato.

⁶Moi anna penduan sisangsa’bu taun tu katuoanna, apa tae’ naperasai tu melona — tae’raka namisa’ri inan nanii male sola nasangi?

⁷Mintu’ tu sara’na tolino bannang dio rokkoan barokona, apa moi susito tang sau-saupa tu kamailuanna.

⁸Apara kalosonganna tu to kinaa na to baga, apara napolosong tu to bongko unnissan lolang ma’kedo melo dio lu to tuo?

⁹Melo iatu patiro mata na iatu kamailuan, tu tontong male ma’duttu’. Ia duka tu apa iato tae’ gai’na sia susito unnula’ angin.

¹⁰Moi umba nakua tu tau, apa disa’bu’mo tu sanganna dolo sia ditandaimo kumua tolino iato; tae’ nakullei umparapa’ Puang, tu mandu matoto’ na ia.

¹¹Moi anna buda tu kada dipokada narangnganni bang tu apa tae’ gai’na. Apara napomaupa’ tolino tu iannato?

¹²Mindara untandai tu apa napomelona tolino lan katuoan iate, lan allo katuoan sangattu’ na, tu tae’ gai’na, tu tuo lan sangattu’ sangtinti bayo-bayo? Belanna mindara ma’din la umpokadanni tolino tu apa la dadi undinna lako kalena lan naarrang matanna allo?