Read Toraja-Sa'dan PA’TENDENG BALLO 1 Bible Online

PA’TENDENG BALLO 1 - Toraja-Sa'dan bible

PA’TENDENG BALLO 1

¹Pa’tendeng ballona Salomo.

²— La namimmokna’ pudukna! Belanna iatu mali’mi mandu marasa na uai anggoro’.

³Iatu bau minna’mi busarungngu’, sia iatu sangammi susitu minna’ pandere’ dibolloan. Iamoto anna mintu’ anak dara ungkasinnaikomi.

⁴Rendenna’ angki sarra’i undi. Nasolammo’ Datu tama bilikna, melo ke unnarrakkan umposendekomi sia umpudi tu mali’mi losong na iatu uai anggoro’! Sipatukomi nakasinnai tau!

⁵Masa’pangna’, apa maballo, e anak dara Yerusalem, susitu tenda Kedar, sia sangtinti kulambu Salma.

⁶Da mitiro-tirona’, kumua malotong-lotongna’ belanna natengona’ allo. Mintu’na anak muaneku dio indo’ makarra’ lako kaleku, anna padadina’ to ma’kampa pa’lak anggoro’ — anna pa’lak anggoro’ku kalena tae’ kukampai.

⁷Pokadanna’, e andi’ pa’kaboro’ inaangku, umba minii mangkambi’, umba minii umpalenga’ baanan domba, ke tangngai allo. Belanna ma’apai angku la susito ma’lullung merreke’-reke’ lako baanan dombana solami?

⁸— Iake tae’i muissanni, e iko, tu ma’iringanna maelo dio lu mintu’na baine, pelalanni tu lalan lette’na domba, sia kambi’i tu bembe’ birangmu sikandappi’ tu mai inan to mangkambi’.

⁹— E rindungku, kupasangtintiko darang birang, tu dipalakoi karetana Firaun!

¹⁰Me’lok tu popomu naparitangnga anting-anting, sia iatu barokomu nasialikki manik.

¹¹La kigaragampoko anting-anting bulaan sola manik salaka.

¹²— Iatonna marassan tu datu unno’ko’ dio medana, tipamaen-maenmi tu busarungngu’na narawastungku.

¹³Iatu andi’ pa’kaboro’ku butung to mur sangsepu’-sepu’, tu torro lan alla’ susungku.

¹⁴Iatu andi’ pa’kaboro’ku butung to sangtangke bunga enna dio kaleku, lan pa’lak anggoro’ En-Gedi.

¹⁵— Lendu’ ia melomu, e rindungku, tonganna lendu’ ia melomu, sia iatu matammu susi dangan-dangan.

¹⁶— Tonganna lendu’ ia melomi, e andi’ pa’kaboro’ku, ondongpi makari’dikkomi sia iatu patindoanta kariongan.

¹⁷Iatu pa’kayuan banuanta aras sia iatu mintu’ rinding papanta kayu sanoba’.