Read Toraja-Sa'dan PA’TENDENG BALLO 6 Bible Online

PA’TENDENG BALLO 6 - Toraja-Sa'dan bible

PA’TENDENG BALLO 6

¹— Umbara naolai tu andi’ pa’kaboro’mu, e iko tu mandu maelo dio lu mintu’ baine? Umbara naolai tu andi’ pa’kaboro’mu sepang? Belanna la maleki’ sola undaka’i.

²— Iatu muane pa’kaboro’ku mengkalaomo rokko pa’lak bunganna, rokko to’ bedeng oto’ pebangki’, la naposende tu pa’lak bunga sia la unnala danga-danga.

³Iatu aku te andi’ pa’kaboro’ku puangna iatu andi’ pa’kaboro’ku aku puangna, tu mangkambi’ lan lu to’ danga-danga!

⁴Maballoko, e rindungku, susi Tirza, makari’dikko sangtinti Yerusalem, makarama’ susi tuntunan surodadu ma’bandera.

⁵Pasalaina’ pentiromu, belanna napalittuna’; iatu beluakmu susito sangbaanan bembe’ songlo’ tikalulun-lulun dao mai Gilead.

⁶Iatu isimmu susite sangbaanan domba birang, tu kendek diong mai pa’baseanna, mintu’i sibaa anak rapi’na namoi misa’ tae’ sisayuran anak.

⁷Iatu pili’mu susito dalima dipiak, tu payan ullendu’i bobongmu.

⁸Iatu baine tonganna datu den annan pulona, na iatu gundi’na karua pulona, sia iatu anak dara tang dikemba’ diia’.

⁹Apa ia manna tu misa’ tu dangan-danganku, e baine adang-adangku, tu tae’ sayuanna; ia manna tu misa’ dio indo’na, masero dio to padadianna. Mintu’ tu anak dara untiroi sia umpudi kumua maupa’ ia, mintu’ baine tonganna datu sia gundi’na untendengi.

¹⁰Mindara ia tu susi allo berre’, maelo sangtinti bulan taro-taro, parrang susi mata allo dukku; sia makarama’ sangtinti tuntunan surodadu?

¹¹Mengkalaomo’ rokko to’ pa’lak pala la untiroi tu ta’bi diong lombok, la untiroi ba’tu la mentarukmi tu garonto’ anggoro’ sia ba’tu la menta’bimi tu garonto’ dalima.

¹²— Tae’pa kumengkilala; kusanga kendekmo’ langngan kareta dio sa’dena datungku.

¹³Menggirikko, menggirikko, e iko baine Sulam, menggirikko, menggirikko, angki tiroko! Ma’apai mimentiro lako baine Sulam susito lako pa’gellu’ dio mai Mahanaim?