Read Toraja-Sa'dan YESAYA 24 Bible Online

YESAYA 24 - Toraja-Sa'dan bible

YESAYA 24

¹Manassa iate lino la Napadaun lauan PUANG, la Nabaliangan sia la Napasisarak-sarak tu mintu’ issinna.

²La Natallanni tu mai to minaa susi dukato tu to buda, sia to ma’kekaunan susi dukato tu kaunan, sia baine to kapua susi dukato tu baine naruranni, sia to ma’baluk susi dukato tu to mangalli, sia to ma’pasuka’ susi dukato tu to massuka’, sia to ma’pedenne’ susi dukato tu to ma’denne’i.

³Iate lino la dipadaun lauan sia la disarrinni, belanna mangkamo Napokada PUANG te kada iate.

⁴Iatu lipu daenan maru’gunmo sia silayuammo; iatu kuli’na padang makattakmo sia silayuammo; mintu’ to kapua lan tondok silanggarammo.

⁵Iatu lipu daenan maruttakmo natumang mintu’ to umpa’tondokki, belanna natengkai kalo’mo tu mintu’ sukaran aluk, sia nalutu tombangmo tu apa mangka tipondok, sia naputtai tu basse sangbara’ padang.

⁶Iamoto anna ampello’i tampak ropu te lino, sia iatu to untongkonni narampoi parri’ natumang kasalanna; iamoto anna mampu’ tu to untongkonni lino, anna sidi’mora tinampe.

⁷Mintu’ uai anggoro’ maru’gunmo, sia mintu’ garonto’ anggoro’ mala- yumo, mintu’ tu to parannu-rannu sumar- romo.

⁸Iatu ganda’-ganda’ marua’ radan- mo, sia iatu angnga’ silelean rapa’mo, sia iatu katapi marua’ kappamo.

⁹Tae’mo anna la mangiru’ anggoro’ tu tau menani, sia iatu tuak mapai’mo nairu’ to biasa unniru’i.

¹⁰Iatu kota daun lauan sanggangmo; titutu’ nasangmo tu banua, naurungan tae’mo anna belai tama tu tau.

¹¹Urruk mannamo dio lu lalan, belanna tae’ uai anggoro’; mintu’ kasendean pa’demo; mintu’ la’tek silelean lan lino pu’du’mo.

¹²Kasanggangan mannamo tu lan tondok iato, sia iatu ba’ba babangan songka tipa’- ramo-ramo.

¹³Belanna la susi a’ganna te, tu mintu’ bangsa lan lino, kumua butungi to bua saitun di- remba’ sia butungi to bua muru’na anggoro’.

¹⁴Iatu to sangpiak padang umpekapuai gamaranna siarrakan; iatu to ma’biring tasik mongngo’-mongngo’ menani umpudi kamala’biranNa PUANG.

¹⁵Iamoto pangke’I tu PUANG lan lu tondok napanta’ allo, sia pakala’bi’I dio lu mintu’ biring tasik tu sanganNa PUANG, Kapenombanna to Israel.

¹⁶Dio mai randan langi’ kirangi tu pa’pudian, umpakala’bi’ to masallo’. Apa kukua: Sanggangna’, sanggangna’, upu’ alloku! umpogau’mo kakelokan tu to tang maruru’, sia lolangmo lan kakelokanna.

¹⁷Katirambanan sia patuang sia poya urrandannikomi, e to untorroi kuli’na padang.

¹⁸Belanna la dadi, kumua minda-minda tu umpallaian kalena dio mai ongngo’ mepatiramban, la tobang rokko patuang, na minda-minda tu umbelai kendek diong mai patuang, la nadoloan poya; ondongpi mintu’ kalimbuang dao masuanggana la dibungka’ nasang, sia la tigega’ tu parandangan lino.

¹⁹Iatu kuli’na padang sitibangnga- bangnga, iatu kuli’na padang tigega’ sangullele.

²⁰Iatu lino tire’ba len susito malango, tiseno len susito barung-barung pa’bongian, belanna natondon kamabandaranna kasalanna, naurunganni songka, tang nakullemo bangun sule.

²¹Iato allo iato la Napapakkanni PUANG, tu mintu’ surodadu masuangga dao lu masuanggana sia lako mintu’ datu lino dao kuli’na padang.

²²Tau iato mai la dipopa’misa, susito ditarungku lan lo’ko’, sia la dipattang lan pa’tarungkuan, na undinna to ke masaimi, ditambaimi la diukung.

²³Attu iato la maila’ tu bulan masero, sia la masiri’ tu allo mapana’, belanna iatu PUANGna mintu’ ma’dandan maritik, la Datu, dao buntu Sion sia dio Yerusalem, sia iatu kamala’biranNa la tonang, dio olona pekaamberanna taunNa.