Read Toraja-Sa'dan YESAYA 27 Bible Online

YESAYA 27 - Toraja-Sa'dan bible

YESAYA 27

¹Attu ia dukato iatu PUANG la umpapakkanni pa’dang bassi barani, kapua sia matoto’Na tu Lewiatan, ula’ mandirri’, tu Lewiatan ula’ tikolik len sia la Napatei tu naga lan tasik.

²Attu ia dukato la den tu pa’lak anggoro’, pambura-bura uai anggoro’na; la sibali-balikomi umpassengoanni.

³Akumo PUANG, tu pakaduttu’na, la ussakka’i nenne’i; la Kupetayanni keallo kebongi, da narumbu lenni kakadakean lako.

⁴Tae’mo anna kabu’Na’ kasengkean; umba-umba Kunii ungkabu’tui duri sia a’da’, Kulaoi, angKu purai nasangi Kuballa.

⁵— Sangadinna ke napentoei tu pa’rinding pala’Ku, sia ke sikadamakNa’, ke sikadamakNa’.

⁶Iake attu undinna la mennuaka’ tu Yakub, sia la menta’bi na mentado’ tu Israel, naurunganni situtu’ burana tu lino.

⁷Napata’pairaka lima tu tau iato mai susitu to mangka umpata’pai lima? Ba’tu dipongkoraka tu tau susi kadipongkoanna to dipongko dio lu ualinna?

⁸Miea tu tau iato mai diona kadiula’ina sia kadisuale-palaranna: Nabaamo angin bara’Na Puang, tonna liu bara’ matallo.

⁹Iamoto anna dipa’dei tu salana Yakub sia iamote tu mintu’ buanna kadiseroianna kasalanna, kumua iatu mintu’ batu pa’paisungan nanisak-nisak susi susu batu, naurunganni tae’mo te’dek tu mai lentong dipodeata sia inan pemalaran dinii untunu dupa.

¹⁰Belanna tondok ditambakuku iato daun lauan sia mentondok talo sia disitampei sangtinti padang aak; la nanii anak sapi undaka’ kande sia nanii ma’pasang, anna pepurai tu mai ranga’-ranga’na.

¹¹Ianna marangkemo tu mai tangkena, direbong-rebongmi, anna sae tu mai baine umballai; belanna inang tae’ inaanna te bangsa iate, iamoto anna tae’ Nakatirinnai To pagaraganna sia tae’ anNa katuru-turui To kumombongna.

¹²Attu iato la manglullu’ tu PUANG randuk dio mai Salu kapua landa’ lako salu Mesir; apa iatu kamu e to Israel, la Naruruk simisa’komi.

¹³Sia attu ia dukato, la den tu napiri tanduk la dipannoni, anna sae nasang tu tau iato mai, tu tisambo’ lako tana Asyur sia tu diula’i lako Mesir la sae sola nasangi tukku umpenombai PUANG dao buntu maindan dio Yerusalem.