Read Toraja-Sa'dan YEREMIA 45 Bible Online

YEREMIA 45 - Toraja-Sa'dan bible

YEREMIA 45

¹Inde sia tu kada tu napokada Nabi Yeremia lako Barukh, anakna Neria, tonna mangka ussura’i lan misa’ sura’ tu mintu’ kada nasa’bu’ Yeremia, tonna taun ma’penna’pa’ kadatuanna Yoyakim, anakna Yosia, datu Yehuda, nakua:

²Inde sia tu kadanNa PUANG, Kapenombanna to Israel, tu diona iko, e Barukh.

³Mukua ma’kada: A’a dikka’ tu kaleku, belanna iatu kamaparrisangku Narangnganniomo PUANG kamasussan, boyo’ tontong sumarro sia tang rapa’mo penaangku.

⁴Susite tu la mupokada lako, Nakua kadanNa PUANG: Iatu apa mangka Kubangun Aku kalena la usseranni sule, na iatu apa mangka Kutanan Aku kalena la undu’dukki sule.

⁵Na iatu iko sipaturokoka la untuntunan kalemu apa kapua? Da mutun-tunni! Belanna manassa la Kuparampoi kamandasan tu angge menono’, nakua kadanNa PUANG, apa iatu iko la Kukamaseangko pangrampa iamotu katuoammu dio lu mintu’ inan tu munii male.