Read Toraja-Sa'dan YEREMIA 47 Bible Online

YEREMIA 47 - Toraja-Sa'dan bible

YEREMIA 47

¹Inde sia tu kada sae lako nabi Yeremia, iamotu kadanNa PUANG diona to Filistin, tonna tae’pa nataloi Firaun tu tondok Gaza.

²Nakua tu kadanNa PUANG: Manassa la saba’ tu uai lu daa mai anna dadi uai luang mekabu’, nakabu’ tu mai padang sia mintu’ issinna, sia iatu mintu’ tondok sola to torro lan, naurungan tumangi’ tu mintu’ tau sia mintu’ to umpa’tondokki tu padang iato melallak-lallak,

³napobua’ pentengkana darangna sia mongngo’na mintu’ karetana sia garutukna mintu’ rodana. Iatu mintu’ ambe’ tang messailemo lako anakna, belanna katangtikambeanna limanna,

⁴ke saemi tu allo kadisangganganna mintu’ to Filistin sia iake disabu’i tu mintu’ to la untundui Tirus sola Sidon, tu torronapa; belanna PUANG la umpisanni tu to Filistin, iamotu to torropa dio lebukan Kaftor.

⁵Iatu Gaza digalettungimo sia Askelon disanggangmo; e to Enak tu torronapa, la sangapaporoko untori’-tori’ kalemu?

⁶A’a sangapapira mumane torro, e pa’dangna PUANG? Sulemoko tama banuammu; la torromoko ammu rapa’.

⁷Apa umba la mukua untorroi? Na PUANGmo umpepasananni: la ullaoi Askelon sia randan tasik, iamoto Nanii umpapatui.