Read Toraja-Sa'dan BATING 5 Bible Online

BATING 5 - Toraja-Sa'dan bible

BATING 5

¹O PUANG, kilalai tu mai apa urrampoikanni; tiroi sia mantai tu kadilo’boangki.

²Iatu taa mana’ki tobangmo tama limanna to salian, sia mintu’ banuangki tilelemo tama limanna to tama sae.

³Dadimokan to biung, tang keambe’ sia iatu indo’ki butungmo to balu.

⁴Iatu uai kiiru’ kialli doi’, iatu kayu tutungan kiappa’ kibaya’mo.

⁵Nati’tin to unnula’kan tu sokkongki, bo’yo’mokan ma’diama, natae’ napopelayokan.

⁶Kipopandaka’ tu limangki lako Mesir, sia lako Asyur, kinii ma’pedia’ roti.

⁷Iatu mai ambe’ki kasalammo, totemo pa’demo, na iatu mintu’ salana, kami nasang umpassanni.

⁸Kaunanmo umparentakan, natae’ tau ussabakkan lan mai limanna.

⁹Umburukangkan sunga’ki male undaka’ roti, napobua’ kandean pa’dang dio lu padang pangallaran.

¹⁰Iatu kuli’ki dukku susi ruaya lan dapo’, napobua’ kamapannanganna karorian.

¹¹Tau iato mai untoro’-buku mintu’ baine lan Sion, sia mintu’ anak dara lan kota Yehuda.

¹²Natoke’ tu mintu’ arung dao kayu, sia tae’ nakasiri’i tu lindona to matua.

¹³Iatu to mangura nasua umbaa batu pangrissoan, iatu mai pia tipa’re’ba len umbaa kayu.

¹⁴Tae’mo to matua lan lu babangan tondok, natoreimo pia muane umpannoni katapinna.

¹⁵Pa’demo tu kasendean penaangki, membalimo passanda bolong tu pa’gellu’ki.

¹⁶Iatu makota tobangmo dao mai ulungki, upu’ alloki, belanna umpogau’mokan kasalan!

¹⁷Iamote tu bannangna anna mapa’di’ tu penaangki, iamote tu bannangna anna tang maseromo kitiro:

¹⁸Tu belanna buntu Sion mempadang talomo, napourungi naolai sindallung dio lu.

¹⁹O PUANG, Kamu tu unnisung tontong sae lakona, iatu isungan kapayungamMi landa’ lako disituran-turananni.

²⁰Ma’apai amMi tontong tang ungkilalaikan, sia ma’apai amMi tampe tarru’kan sae lakona?

²¹O PUANG, solammokan sule lako Kalemi, manassa la sulekan mati’. Ba’rui tu alloki susi tonna dolona!

²²La Mitampe tarru’ morakannika? La mandu liuraka tu kare’dekan ara’Mi lako kaleki?