Read Toraja-Sa'dan YEHEZKIEL 48 Bible Online

YEHEZKIEL 48 - Toraja-Sa'dan bible

YEHEZKIEL 48

¹Inde sia tu sanganna mintu’ suku iato. Randuk dio mai tampak rampe daanna lu, siupu’ lalan dio mai Hetlon, sae lako naninna tau rampo lako Hamat sia Hazar-Enon na iatu lili’na Damsyik rampe daanna lu, dio sa’dena Hamat, dio mai matallo sae lako tasik, iamoto tu misa’ taa napotaa Dan.

²Iatu siampingna lili’na Dan randuk dio mai rampe matallo sae lako rampe matampu’ misa’ taa napotaa Asyer.

³Iatu siampingna lili’na Asyer randuk dio mai rampe matallo sae lako rampe matampu’ misa’ taa napotaa Naftali.

⁴Iatu siampingna lili’na Naftali randuk dio mai rampe matallo sae lako rampe matampu’ misa’ taa napotaa Manasye.

⁵Iatu siampingna lili’na Manasye randuk dio mai rampe matallo sae lako rampe matampu’ misa’ taa napotaa Efraim.

⁶Iatu siampingna lili’na Efraim randuk dio mai rampe matallo sae lako rampe matampu’ misa’ taa napotaa Ruben.

⁷Iatu siampingna lili’na Ruben randuk dio mai rampe matallo sae lako rampe matampu’ misa’ taa napotaa Yehuda.

⁸Iatu siampingna lili’na Yehuda randuk dio mai rampe matallo sae lako rampe matampu’ la nanii pa’duruk tu la mipaden: duangpulo llima sa’bu siku tu babana na lambe’na la pada lambe’na misa’ taa randuk dio mai rampe matallo sae lako rampe matampu’, na iatu inan maindan la lan tangngana.

⁹Iatu padang tu la mipamarimbanganan PUANG, la duangpulo llima siku tu lambe’na na sangpulo sa’bu siku babana.

¹⁰Inde sia tu tau la diben tu padang maindan dipamarimbangan Puang, iamotu to minaa: ma’palurekkena duangpulo llima sa’bu siku na rampe matampu’na sangpulo sa’bu siku babana; iatu rampe matallona sangpulo sa’bu siku babana na ma’palusau’na duangpulo llima sa’bu siku lambe’na; na iatu inan maindanNa PUANG la lan tangngana.

¹¹Iatu taa dipamaindan la napotaa to minaa, bati’na Zadok, tu ungkaritutui kamenomban lako Kaleku, tu tae’ namemboko’, tonna memboko’ tu to Israel sia tae’ nasusi to Lewi memboko’.

¹²La napotaa marimbangan dio mai tu padang dipamarimbangan, iamotu misa’ lili’ tarru’ maindan siampingna taana to Lewi.

¹³Iatu to Lewi umpotaa misa’ taa sipatu lili’na to minaa duangpulo llima siku lambe’na sia sangpulo sa’bu siku babana. Iatu mintu’ lambe’na duangpulo llima sa’bu siku na babana sangpulo sa’bu siku.

¹⁴Moi sidi’ tae’ nama’din nabaluk ba’tu napenukaran tu taa iato: tae’ nama’din umbenan lakoi to senga’ tu taa ditonno’na padang iato, belanna iatu iannato dipamaindanan PUANG.

¹⁵Apa limangsa’bu siku, tu la’binnapa dio babana sipatu tu duangpulo llima sa’bu siku, iamotu padang tang maindan, sangadinna dipamanassa la nanii kota, inan la nanii torro tau sia la dipopadang kariuan, na iatu kota la lan tangngana.

¹⁶Inde sia tu mai suka’na: rampe daanna lu patangsa’bu llimaratu’ siku, rampe lo’na lu patangsa’bu llimaratu’ siku, rampe matallona patangsa’bu llimaratu’ siku sia rampe matampu’na patangsa’bu llimaratu’ siku.

¹⁷Iatu kota iato la den tu padang kariuanna; ma’palurekke dua ratu’ llimangpulo siku, ma’palusau’ dua ratu’ llimangpulo siku, ma’palulako rampe matallo dua ratu’ llimangpulo siku, sia ma’palulako rampe matampu’ dua ratu’ llimangpulo siku.

¹⁸Iatu la’binna dio lambe’na sipatu tu padang maindan dipamarimbangan: sangpulo sa’bu siku ma’palulako rampe matallo sia sangpulo sa’bu siku ma’palulako rampe matampu’; iatu iannato la sipatu padang maindan dipamarimbanganan Puang, na iatu burana la napokande to mengkarang lan kota.

¹⁹Iatu mai to mengkarang lan kota, iamotu dio mai mintu’ suku to Israel, la umpa’lakki tu padang iato.

²⁰Iatu mintu’ padang dipamarimbanganan Puang lambe’na duangpulo llima sa’bu siku na babana duangpulo llima sa’bu siku; iatu padang maindan dipamarimbanganan Puang la mipapada sappa, na iatu mintu’ apa naala lili’ kota la tama bilanganna.

²¹Apa iatu la’binna la napotaa arung, iamotu lili’ dio sa’de patomalinna padang maindan dipamarimbanganan Puang sia mintu’ apa naala lili’ kota, siupu’ tu duangpulo llima sa’bu siku, suka’na padang dipamarimbanganan Puang sae lako katonan rampe matallo, sia ma’palulako rampe matampu’ siupu’ tu duangpulo llima sa’bu siku sae lako katonan rampe matampu’, sipatu mintu’ taa suku, iamotu napotaa arung. Na iatu padang maindan dipamarimbanganan Puang sia inan maindanna Banua la lan tangngana.

²²Sangandinna mintu’ apa naala lili’ to Lewi sia mintu’ apa naala lili’ kota tu naparitangnga lili’na arung, iamotu naparitangnga katonanna Yehuda sola Benyamin, la napotaa arung.

²³Iatu suku torronapa, randuk dio mai rampe matallo sae lako rampe matampu’ misa’ taa napotaa Benyamin.

²⁴Iatu siampingna lili’na Benyamin, randuk dio mai rampe matallo sae lako rampe matampu’ misa’ taa napotaa Simeon.

²⁵Iatu siampingna lili’na Simeon, randuk dio mai rampe matallo sae lako rampe matampu’ misa’ taa napotaa Isakhar.

²⁶Iatu siampingna lili’na Isakhar, randuk dio mai rampe matallo sae lako rampe matampu’ misa’ taa napotaa Zebulon.

²⁷Iatu siampingna lili’na Zebulon, randuk dio mai rampe matallo sae lako rampe matampu’ misa’ taa napotaa Gad.

²⁸Iatu siampingna lili’na Gad, rampe lo’na lu ma’palusau, nanii katonan randuk dio mai Tamar, naolai uainna Meriba dio Kadesh, siupu’ salu’-salu’ sae lako tasik kapua.

²⁹Iamote tu padang la miloterei lako mintu’ suku Israel la napotaa, sia iamote tu taanna, kadanNa Puangta PUANG.

³⁰Inde sia tu lalan sun dio mai kota: Rampe daanna lu, iatu lambe’na patangsa’bu llima ratu’ siku,

³¹namintu’ babangan kota iato disangai sikona sanga suku to Israel — , tallu babangan ma’palurekke: misa’ babangan Ruben, misa’ babangan Yehuda na misa’ babangan Lewi.

³²Rampe matallona, iatu lambe’na patangsa’bu llima ratu’ siku, tallu duka babangan: misa’ babangan Yusuf, misa’ babangan Benyamin na misa’ babangan Dan.

³³Rampe lo’na lu, iatu lambe’na patangsa’bu llima ratu’ siku, tallu duka babangan: misa’ babangan Simeon, misa’ babangan Isakhar na misa’ babangan Zebulon.

³⁴Sia rampe matampu’na, iatu lambe’na patangsa’bu llima ratu’ siku, tallu duka babanganna: misa’ babangan Gad, misa’ babangan Asyer na misa’ babangan Naftali.

³⁵Iatu mengguririkna lao sangpulo karua sa’bunna siku; naranduk dio mai allo iato iatu kota la disangai: Naisungi PUANG.