Read Toraja-Sa'dan HOSEA 11 Bible Online

HOSEA 11 - Toraja-Sa'dan bible

HOSEA 11

¹Iatonna piapa tu Israel, Kupakaboro’ sia Kutambai tu anakku dio mai Mesir.

²Saditamba-tambainna tu tau iato mai, sauntoyang-toyanganora kalena; memala’ lako mintu’ Baal sia mantunu dupa lako mintu’ rapang-rapang dipodeata dipa’.

³Aku unnada’i lumingka tu Efraim, sia Kukayun, apa tae’ naakui, kumua Aku umpamalekei.

⁴Ulang tau Kurendenanni tu tau iato mai sia Kupori pepori kamamasean; iatu penggaurangKu lako kalena butung to manglendokan ayoka sia kambu dio mai popona. TukkuNa’ untiroi sia Kuben kande.

⁵Tae’raka pa’tangngaranna sule lako Mesir? Manassa Asyur la undatui, belanna manoka mengkatoba’ tu tau iato mai.

⁶Iatu pa’dang la unta’pai tu mai kotana sia la ussanggangi tu salli’ babangan kotana sia la naimbakan tiku lao, natumang pa’tangngaranna.

⁷Manassa iatu taungKu tontong bang memboko’ dio mai Kaleku. Moi anna meongli’ langngan PUANG, inang tae’ Nala unnendekanni.

⁸Umba la Kukua ussa’biangangko, e Efraim, umba la Kukua ussorongko, e Israel? Umba la Kukua ussa’biangangko susi Adma, sia la umpapadako Zeboim? Tibalik senga’omo tu penaangKu, anna tiakka’ tongan tu kamamaseangKu.

⁹Tae’ angKu la umpalanda’i tu kasengkean dukkungKu, tae’ra angKu tarru’ la ussanggangi tu Efraim. Belanna Akumo tu Puang Matua tangia tolino, maindanNa’ lan lu tangngami, sia tae’ angKu la sae situang kasengkean dukku-dukku.

¹⁰Iatu tau iato mai la undi urrundu’ PUANG, la umburrung-burrung susi singa. Iake umburrungI, iatu mintu’ pia muane la sae dio mai rampe matampu’ sipa’parondoan.

¹¹La sae sipa’parondoan susito manuk-manuk dio mai Mesir sia susito bu’ku’ dio mai tondok Asyur, angKu patorroi lan banuanna, kadanNa PUANG.