Read Toraja-Sa'dan HOSEA 2 Bible Online

HOSEA 2 - Toraja-Sa'dan bible

HOSEA 2

¹Parapa’i tu indo’mi, parapa’i, belanna tangia baineKu sia iatu Aku tangiaNa’ muanena. Da anna lindo batu massede sia tang ma’bayu la pasandak salu lako rampanan kapa’.

²Da angKu kalosso’i tu pakeanna nama’kambelang, sia Kupopa’elo’na susi tonna mane ditibussanan, da angKu pasusi padang pangallaran sia Kupadadi padang rangke sia Kupopa’elo’na mate ma’rang.

³Sia tae’ angKu kamasei tu mai anakna, belanna bati’ dadi lan penggauran sala.

⁴Belanna mangkamo ma’gau’ sala tu indo’na, sia iatu untambukki tu pia iato, mesirisan gau’na. Belanna nakua: La undina’ urrundu’i tu to kusigau’-salan, iamotu to umbenna’ rotingku sia uaingku, bulu dombaku sia batang ramingku, minna’ku sia apa kuiru’.

⁵Iamoto manassa la Kurompo duri tu lalanmu sia la Kupaampangi rinding tembo’, naurungan tae’mo nakabu’tui lalanna.

⁶Sia la undi unnula’i tu to nasigau’-salan, apa tae’ nalambi’i; nadaka’, apa tae’ naapparanni. Undinna la ma’kada nakua: La moraina’ male angku sule lako muane doloku, belanna iatu dolona mandu melo na iate totemona.

⁷Apa tae’ natandai, kumua Akumo tu mangka umbenni gandung, anggoro’ ba’ru sia minna’, sia Aku duka mangka umpopemba’karanni tu salaka sia bulaan, tu napake umpenombai Baal.

⁸Iamoto la Kuala sule tu gandungKu, ke attu pegandungan sia uai anggoro’ ba’rungKu, ke attunnai, sia la Kusintak tu bulu dombaKu sia batang ramingKu, tu la napaluangan kalena.

⁹Totemo la Kupapayan tu kamasirisanna dio matanna to nasigau’-salan, sia tae’ tau la ullendokanni lan mai limangKu.

¹⁰Sia la Kupa’dei tu mintu’ kasendeanna, mintu’ pa’gauranna, bulan ba’runna sia allo katorroanna, ondongpi tu mintu’ allo kapuana.

¹¹Attu iato la Kusanggang tu mai garonto’ anggoro’na sia garonto’ arana, tu napobannang ma’kada kumua: Iamo to tu saroku tu nabenna’ to kusigau’-salan. La Kupopempangala’ napurai mintu’ olo’-olo’ dio lu padang.

¹²Susimoto la Kunii unnukungi diona tu mintu’ allo, nanii untunu pemala’ lako mintu’ Baal sia umbeloi kalena ma’sissin, sia ma’manik-ata sia undi urrundu’ to nasigau’-salan, apa iatu Aku nakalupaiNa’, kadanNa PUANG.

¹³Iamoto manassa la Kunaran sia la Kusolan tama padang pangallaran sia la ma’kada malamma’Na’ lako kalena.

¹⁴Sia la Kuben tu pa’lak anggoro’na dio, sia iatu lombok Akhor la Kupopendadi misa’ ba’ba pa’rannuanan. Sia attu iato la menani pole’ susi tonna mangura, iamo tonna sun lan mai tondok Mesir.

¹⁵La dadi allo iato, kadanNa PUANG, la mukua ussangaiNa’ muaneku, sia tae’mo ammu sangaiNa’: Baalku.

¹⁶Ondongpi, la Kupatoyang dio mai pudukna tu mintu’ sanga Baal, naurunganni tae’mo nala ussa’bu’i tau iato mai tu sanganna.

¹⁷Iake allo iato la sibasseNa’ tu olo’-olo’ dio lu padang napomeloi tau iato mai, sia iatu manuk-manuk dao lu langi’ sia olo’-olo’ mendonglo’ dao kuli’na padang. Attu iato la Kule’to tu pana sia pa’dang sia mintu’ pa’buno lan tondok, angKu patorro marampa’i tu tau iato mai.

¹⁸Sia la Kupotumaiko tontong sae lakona, la Kupotumaiko tete dio kamaloloan sia unnola salunna, tete dio kamasokanan sia kamamasean.

¹⁹La Kupotumaiko tete dio kamarurusan, ammu tandai tu PUANG.

²⁰Sia la dadi attu iato, kumua la Kuperangii, kadanNa PUANG, la Kuperangii tu langi’, anna perangii langi’ tu lino.

²¹Anna perangii lino tu gandung sia uai anggoro’ ba’ru sia minna’, na iate apa iate mai la umperangii Yizreel.

²²Attu iato la Kuamboran Kaleku tu tau iato mai lan tondok sia la Kukamasei tu Lo-Ruhama sia Kukua lako Lo-Ami; Ikomo tu taungKu. Anna ma’kada nakua: Kamu tu Kapenombangku.