Read Toraja-Sa'dan HOSEA 5 Bible Online

HOSEA 5 - Toraja-Sa'dan bible

HOSEA 5

¹Perangii te, e kamu to minaa, sia parinaai te, e to Israel, sia tananni talinga, e kamu to lan banuanna datu! Belanna iatu kamu, la narampoikomi ukungan, belanna dadikomi poya lako Mizpa, sia misa’ dalla’ tiballa’ dao Tabor.

²Iatu to sorong boko’ ungkalimo misa’ patuang lambe’; na Aku nasuale pala’ sola nasangi.

³Kutandai tu Efraim sia tae’ duka nakarerungan tu Israel dio oloKu. Tonganna totemo ma’gau’ salamoko, e Efraim, sia urruttakkimoko kalemu, e Israel.

⁴Tae’ anna eloranni tu penggauranna la mengkatoba’ lako Kapenombanna. Belanna den penaa pa’gau’ sala torro lan ba’tengna, sia tae’ natandai tu PUANG.

⁵Iatu kamatampoanna Israel kendek duka dio tingayona la titanan sa’bi umpasalai. Iamoto anna songka tu Israel sola Efraim natumang kakadakeanna. Iatu Yehuda la songka duka sola tau iato mai.

⁶Tau iato mai male undaka’ PUANG umbaa domba sola bembe’na sia sapinna, apa tae’ nala ungkabu’tui. Napatoyangmo Puang tu Kalena dio mai tau iato mai.

⁷Umpogau’mo tang maruru’ tu tau iato mai lako PUANG, belanna kianak bule’mo. Iake nalambi’ (oi) bunga’ sombona bulan ma’din narampoi kasaburan sisola tu mai iananna.

⁸Pannonikomi napiri tanduk dio Gibea sia tarompe’ dio Rama! Unnarrakkomi dio Bet-Awen diona kasirarian! Naula’ko ualimmu, e Benyamin!

⁹La mempadang lo’bang tu Efraim, ke allo kadiukungan. La Kupa’peissanan tu apa mangka dipamanassa la urrampoi tu mintu’ suku Israel.

¹⁰Iatu mai arung Yehuda butungmo to umpalele katonan padang. Lako tu tau iato mai la Kubarrakan tu kare’dekan ara’Ku butung to uai.

¹¹Iatu Efraim dipakario-riomo, sia disanggangmo napobua’ salunna, belanna naala penaanna male unturu’ apa tae’ gai’na.

¹²Iamoto angku susi busung lako Efraim sia susi pasi lako bati’na Yehuda.

¹³Iatonna perasai sakinna tu Efraim, sia iatonna ussarroan bundangna tu to Yehuda, malemi tu Efraim lako Asyur sia mesua lako datu Passirarian. Apa tae’ anna iate umpamalekekomi, tae’ anna ia la umpamondoi tu bundangmi.

¹⁴Belanna susiNa’ misa’ singa lako Efraim sia susi misa’ singa mangura lako bati’na Yehuda. Aku, Akumo la usserek-serekki, Kumane male; la Kusintak, natae’ misa’ tau la urrampananni.

¹⁵La maleNa’, angKu sule lako inangKu, sae lako ussa’dingna salana sia undaka’ oloKu; ianna kapussakan tu tau iato mai, manassa la mamali’ tonganmo penaanna umpeagi’Na’.