Read Toraja-Sa'dan KADIBILANGAN 5 Bible Online

KADIBILANGAN 5 - Toraja-Sa'dan bible

KADIBILANGAN 5

¹Ma’kadami tu PUANG lako Musa, Nakua: Pasanni tu to Israel,

²kumua natassu’i dio mai to’ tenda tu mintu’ to golenan sia mintu’ to nakasunni nana ba’tu rara sia mintu’ to maruttak belanna urrumbu apa mate.

³La muane la baine la misua male; la misua lako salianna to’ tenda, kumua da’ naruttakki tu inan tendana, belanna torroNa’ dio lu tau iato mai.

⁴Attu iato napogau’mi to Israel susito, anna suai male tu tau iato mai lako salianna to’ tenda; napogau’mi to Israel susitu mangka Napepasanan PUANG lako Musa.

⁵Ma’kadami tu PUANG lako Musa, Nakua:

⁶Ma’kadako lako to Israel mukua: Iake den misa’ muane ba’tu baine umpogau’ misa’ kasalan, tu napogau’ tolino, anna potetei tang maruru’ lako PUANG, naurunganni narua kasalan,

⁷la naaku tu kasalan napogau’, anna sondai tu mintu’ allinna tu apa napoindan, narangnganni pissan taa pellimanna, nasorongi sule lako to nanii kaindanan.

⁸Apa iake tae’i tu to mangla’bakna, tu sipatu la nanii umpasulei tu apa dipa’dean, naapa diindan iato Napoapamo PUANG, anna pakei to minaa, senga’ na iatu domba laki pemala’ pengkalossoran, tu napemalaran to minaa la umpadenanni kadiseroian kasalan.

⁹Iatu mintu’ pa’duruk dio mai pamengan masero, tu nabaa to Israel lako to minaa, la napoapamo to minaa.

¹⁰Apa iatu pamengan masero pira la napoapamo tu to umbaai; sangadinna ia manna tu apa nasorong lako to minaa, la napoapa to minaa.

¹¹Ma’kadami tu PUANG lako Musa, Nakua:

¹²Ma’kadako lako to Israel mukua: Iake den misa’ bainena tau patengkan sia tang maruru’ lako muanena,

¹³anna sangampa’ misa’ muane senga’, apa tae’ naissanni muanena, belanna membuni bang urruttakki kalena sia tae’ to ussa’bii tu gau’na sia tae’ diapparan.

¹⁴Anna re’dek tu ara’na muane iato, anna mangimburu lako bainena, ke naruttakki tu kalena ba’tu iake re’dekki tu ara’na muane iato, namangimburu lako bainena, moi anna tae’ naruttakki kalena tu baine iato,

¹⁵la nasolan tu bainena umpennoloi to minaa anna pennoloan duka pemala’ tu la napopemala’ bainena, pissanna taa sangpulona epa[3] ta’pung dalle sisikan, tu tae’ nadibolloi minna’ sia tae’ nadiparokkoi dupa, belanna iamoto tu kande dipemalaran diona kapangimburuan, iamotu pemala’ kapengkilalan, umpakilalai tu diona kakadakean.

¹⁶Anna suai to minaa mengkareke’ sia umpopennoloi dio oloNa PUANG.

¹⁷La naala to minaa tu uai masero lan busso litak sia la naala to minaa tu barra’-barra’ diong sali anna patamai lan to’ uai iato.

¹⁸Ianna mangkamo to minaa umpopennoloi tu baine iato dio oloNa PUANG, la naserangan tu beluakna baine iato, anna parokkoi limanna tu pemala’ kapengkilalan, iamoto tu kande dipemalaran diona kapangimburuan, anna lan limanna to minaa la nanii tu uai mapai’, tu umpaden tampak ropu.

¹⁹La nasumpa to minaa tu baine iato, anna ma’kada lako nakua: Iake tae’ siai muane senga’ musangamparan sia tae’ muruttakki kalemu unnola boko’ muanemu, la torro marampa’ko dio mai te uai mapai’, tu umbaa tampak ropu.

²⁰Apa iake tonganko unnola boko’ muanemu sia urruttakki kalemu, belanna muane senga’ musangamparan,

²¹— la nasumpa to minaa tu baine iato misa’ sumpa umpaden tampak ropu, anna ma’kada tu to minaa lako baine iato nakua: La Napadadiko PUANG misa’ tampak ropu sia sapuan pala’ dio lu bangsamu, anNa pamarangkei PUANG tu pupummu, Napakambangi tu tambukmu.

²²Belanna uai iate, tu umpaden tampak ropu, la rampo tama ba’tengmu la umpakambang tambukmu sia umpamarangke pupummu. La mebali tu baine iato nakua: Amin, amin.

²³Mangkato la nasura’ to minaa tu mintu’ sumpa iate lan sanglamba’ karattasa’, anna basei pole’i uai mapai’ iato,

²⁴sia la nasua tu baine iato unniru’i tu uai mapai’, tu umpaden tampak ropu, anna iatu uai umpaden tampak ropu iato, napobannang rampo kamapairan lan batang kalena.

²⁵La naala to minaa tu kande dipemalaran diona kapangimburuan dio mai limanna baine iato, namane ussorong untarima sulei dio oloNa PUANG, anna baai lako inan pemalaran.

²⁶La naala to minaa sangka’pan dio mai kande dipemalaran dipopamengan tanda kapengkilalan, natunui dio inan pemalaran; namane umpairu’i tu baine iato.

²⁷Ianna pairu’mi tu uai iato, iake manassai urruttakki kalena sia tang maruru’ lako muanena, iatu uai iato tu umpaden tampak ropu, la napobannang rampo kamapairan lan batang kalena, naurunganni kambang tu tambukna sia marangke tu pupunna, anna dadi misa’ tampak ropu tu baine iato dio lu bangsana.

²⁸Apa iake tae’i naruttakki kalena tu baine iato, sangadinna masero dio mai sala, manassa tae’ narampoi ukungan sia ma’din kianak.

²⁹Iamote tu atoran diona kamangimburuanna misa’ muane, ke den misa’ baine unnola boko’ muanena sia urruttakki kalena,

³⁰ba’tu iake den misa’ muane napabaga kapangimburuanna, anna tontong mangimburu lako bainena, la napopennolo tu baine iato dio oloNa PUANG, anna pogauranni to minaa tu atoran iate.

³¹Iatu muane la masero dio mai sala, apa iatu baine la umpassanni tu kakadakeanna.