Read Toraja-Sa'dan MIKHA 3 Bible Online

MIKHA 3 - Toraja-Sa'dan bible

MIKHA 3

¹Ma’kadana’ kukua: Perangiimi, e kamu pangulunna Yakub sia to ullopian to Israel, tang sipaturokomika untandai tu salunna?

²Mikagi’gi tu melona, ammi kabarii tu kadakena, mikalekei tu kuli’na sia issinna dio mai bukunna tau iato mai.

³Ondongpi nakande tau iato mai tu duku’na taungKu, sia napekuli’i sia nale’to tu bukunna, anna ira’-ira’i susi duku’ lan kurin ba’tu lan panti.

⁴Attu iato la metamba-tamba tu tau iato mai lako PUANG, apa tae’ Nabalii, sangadinna la Nabunian lindoNa, belanna ma’gau’ kadakemo tu tau iato mai.

⁵Inde sia tu kadanNa PUANG diona mintu’ nabi, tu umpapusa taungKu, sia iatu ma’kada nakua: maupa’, ke denni apa nakeke’, apa iatu to tae’ bang apa nasuak, nasa’buran rari, nakua:

⁶Iamoto la nasikapu’ikomi bongi natae’ patiro mendeata, sia la den kapittukan natae’ kapakita-kitan, la nalambunni mata allo tu nabi, sia iatu allo la membali pittuk lako tau iato mai.

⁷Mintu’ to patanda-tandan la kasirisan sia mintu’ to pakita-kita la bangngo ara’, anna samboi tu puduk daoanna, belanna tae’ Napebalii Puang Matua.

⁸Apa iatu aku, naponnoina’ kamatotoran, sia PenaanNa PUANG, sia salunna sia kamawatangan, la umpokadanni Yakub tu kapatodo-tintinganna sia Israel tu kasalanna.

⁹Iamoto perangiimi te, e mintu’ pangulunna bati’na Yakub sia mintu’ to ma’lopianna bati’na Israel, tu ungkasorro salunna sia umpakelok tonganna,

¹⁰tu umbangun Sion umpato’do rara sia Yerusalem umpogau’ kakelokan.

¹¹Iatu mintu’ pangulu ma’paolai salu ungkande pappe’, sia mintu’ to minaa mangada’ umpalaku saro sia mintu’ nabi pakita-kita umpalaku doi’. Moi na susito iatu tau iato mai sande’ duka lako PUANG sia ma’kada nakua: Tae’raka PUANG dio lu kaleta? Tae’ nala urrampoiki’ kamandasan!

¹²Iamoto kamu napobannang na iatu Sion la ditengko susi misa’ pa’lak, sia iatu Yerusalem la mendadi misa’ inan daun launan, ondongpi iatu buntu Banua Kabusungan la membuntu pangala’.