Read Toraja-Sa'dan MATIUS 1 Bible Online

MATIUS 1 - Toraja-Sa'dan bible

MATIUS 1

¹Inde sia tu ossoran nene’Na Yesu Kristus, anakna Daud, anakna Abraham.

²Anna Abraham undadian Ishak na Ishak undadian Yakub na Yakub undadian Yehuda sola siulu’na;

³anna Yehuda undadian Peres na Zerah dio Tamar; na Peres undadian Hezron; na Hezron undadian Ram;

⁴anna Ram undadian Aminadab na Aminadab undadian Nahason; na Nahason undadian Salmon;

⁵anna Salmon undadian Boas dio Rahab; na Boas undadian Obed dio Rut; na Obed undadian Isai.

⁶Na Isai undadianni tu Daud, datu. Anna Daud undadian Salomo dio baine umbalui Uria;

⁷anna Salomo undadian Rehabeam; na Rehabeam undadian Abia; na Abia undadian Asa;

⁸na Asa undadian Yosafat; na Yosafat undadian Yoram, na Yoram undadian Uzia;

⁹na Uzia undadian Yotam; na Yotam undadian Ahas; na Ahas undadian Hizkia;

¹⁰na Hizkia undadian Manasye; na Manasye undadian Amon; na Amon undadian Yosia;

¹¹na Yosia undadian Yekhonya sia siulu’na tonna dipalengka’ tau lako Babel.

¹²Na undinna tonna mangka tau dipalengka’ lako Babel, undadiammi Sealtiel; na Sealtiel undadian Zerubabel;

¹³na Zerubabel undadian Abihud; na Abihud undadian Elyakim; na Elyakim undadian Azor;

¹⁴anna Azor undadian Zadok; na Zadok undadian Akhim; na Akhim undadian Eliud;

¹⁵na Eliud undadian Eleazar; na Eleazar undadian Matan; na Matan undadian Yakub;

¹⁶na Yakub undadian Yusuf, muanena Maria; iamotu Maria undadian Yesu, tu digente’ Kristus.

¹⁷Iatu mintu’ osso’na tempon dio mai Abraham sae lako tonna Daud, sangpulo a’pa’ papa’na; na tempon dio mai Daud sae lako tonna dipalengka’ tau lako Babel, sangpulo a’pa’ duka papa’na; na tempon dio mai tonna dipalengka’ tau lako Babel sae lako tonna Kristus, sangpulo a’pa’ duka siao papa’na.

¹⁸Iatu kadadianNa Yesu Kristus susite: Iatonna sikampa Yusuf tu Maria, indo’Na, tonna tae’pa nasisola, manassami kumua ma’tambuk tu Maria diona kamatotoranNa Penaa Masallo’.

¹⁹Iatu Yusuf muanena, tu belanna ia misa’ to malambu’ penaanna, sia moka la umpalaoi siri’na, la moraimi urrampanan buni bangi.

²⁰Apa iatonna susimo tangnga’na to, nakita tindomi tu malaeka’Na Puang misa’, nakua: E Yusuf, tarukna Daud, da mubata unnalai tu Maria mupobaine, belanna iatu natambuk lu dio mai Penaa Massallo’.

²¹La undadian misa’ pia muane la musangai Yesu, belanna Iamo, tu la urrampanan taunNa dio mai mintu’ kasalanna.

²²Mintu’nato dadimo kumua anna sundun tu apa Napokada Puang tu sun dio pudukna nabi, kumua:

²³Manassa la ma’tambuk tu anak dara iato na undadian misa’ pia muane sia nasangai tau: Imanuel, ke dipallemba’i, battuananna: Puang Matua urrondongki’.

²⁴Millikmi tu Yusuf, napogau’i susitu napepasananna malaeka’Na Puang lako kalena, naalami tu Maria bainena.

²⁵Tae’ nasangampa’ len sae lako nadadianna tu pia muane misa’. Nasangai Yesu.