Read Toraja-Sa'dan PA’TOLE 12 Bible Online

PA’TOLE 12 - Toraja-Sa'dan bible

PA’TOLE 12

¹Inde sia tu aluk dipondok sia atoran, tu la mikaritutui tongan lan tondok, tu Nakamaseangko PUANG, Kapenombanna nene’ to dolomu, la mupoapa tempon katuoammi dao kuli’na padang.

²La misanggang tu mintu’ inan, tu nanii menomba lako deatanna tu mintu’ bangsa, tu lili’na miala mipoapa, iamotu dao lu buntu malangka’ sia dao lu buttu-buttu sia diong lu mintu’ kayu maluna.

³La mirondon tu mintu’ inan pemalaranna sia la mitesse tu mintu’ batu dipodeatanna sia la miballa tu mintu’ lentong kayu dipodeatanna sia la milelleng tu rapang-rapang dipodeata dipa’na sia la miputtai tu sanganna dio mai inan iato.

⁴Da mipenombai susito tu PUANG, Kapenombammi.

⁵Apa iatu inan Napileimo PUANG, Kapenombammi, dio mai lili’na mintu’ sukummi la Napannii sanganNa dio sia Nanii ma’tondok, iamoto tu la midaka’ sia la minii male lako.

⁶Indemoto la minii umbaai tu mintu’ pemala’ ditunu pu’pu’mi sia pemala’ pangrere’mi sia mintu’ taa sangpulomi sia mintu’ pamengammi tu dipamarimbangan sia mintu’ pemala’ pangallonammi sia mintu’ pemala’ tanning inaammi sia anak pa’bunga’na sapimmi sia pa’bunga’na dombami sia bembe’mi.

⁷Indemoto la minii kumande dio oloNa PUANG Kapenombammi, sia parannu la kamu la iatu mintu’ to lan banuammi diona tu mintu’ apa mitoe tu Nanii PUANG, Kapenombammi umpamasakkekomi.

⁸Da mipogau’i tu apa tapogau’ totemo inde te, iamotu pantan unturu’ lalan penaanna.

⁹Belanna tae’pa mirampo lako inan katorroan sia lako taa mana’, tu la Nabenko PUANG, Kapenombammu.

¹⁰Apa iake mangkamokomi ullamban Yordan, ammi torro lan tondok, tu la Nakamaseangkomi PUANG, Kapenombammi, la mipomana’, sia iake Nabenkomi kapelayoan tu tang sirari ualimmi tiku lao sia torro marampa’komi,

¹¹manassa la lakokomi inan, tu Napileimo PUANG, Kapenombammi, la Napannii sanganNa, minii umbaa mintu’ apa tu kupepasanan lako kalemi, iamotu pemala’ ditunu pu’pu’mi sia pemala’ pangrere’mi, taa sangpulomi sia pa’durukmi sia mintu’ pemala’ pangallonan dipilei, tu la mialluran PUANG.

¹²La parannukomi dio oloNa PUANG, Kapenombammi, la kamu la anakmi muane la anakmi baine la kaunanmi muane la kaunanmi baine, sia to Lewi, tu torro lan babangan kotami, belanna tae’ apa napoapa sia tae’ apa napotaa mana’ dio lu kamu.

¹³Kanandai tu kalemu da mubaa pemala’ ditunu pu’pu’mu dio lu umba-umbanii.

¹⁴Sangadinna dio lu inan tu Napileimo PUANG lan lili’na sala umbanna misa’ sukummu, inde to la munii umpennoloanni tu pemala’ ditunu pu’pu’mu, sia la munii umpogau’i tu mintu’ apa kupepasanan lako kalemu.

¹⁵Apa ma’din mutunu sia mukande tu duku’ sangapa-apa muporai lan mintu’ kotamu, sitinaya tu kamasakkean Naparampoangko PUANG, Kapenombammu; iatu to tang masero la pada to masero ma’din la ungkandei susitu kijang sia donga.

¹⁶Sangadinna iatu rarana da mukandei, apa la mubolloan rokko padang susito uai.

¹⁷Lan kotamu tae’ muma’din la ungkandei tu taa sangpulona gandungmu sia uai anggoro’ ba’rummu sia minna’mu sia pa’bunga’na sapimmu sia pa’bunga’na dombamu sia bembe’mu sia iatu mintu’ pemala’ pangallonammu, tu la muallu’ sia pemala’ tanning inaammu sia pa’durukmu.

¹⁸Apa dio oloNa PUANG, Kapenombammu, la munii ungkandei, dio inan Napilei PUANG, Kapenombammu, la iko la anakmu muane la iatu mai anakmu baine la kaunanmu muane sia kaunanmu baine sia to Lewi, tu torro lan babangan kotamu, ammu parannu dio oloNa PUANG, Kapenombammu, diona mintu’ apa mangka mutoe.

¹⁹Kanandai tu kalemu da musa’bianganni tu to Lewi, temponmu torro lan tondokmu.

²⁰Iake Napamalona’mi PUANG, Kapenombammu, tu lili’mu, susitu mangka Naallu’ lako kalemu, ammu tangnga’i lan penaammu, mukua: La moraina’ ungkande duku’ — belanna iatu penaammu morai ungkande duku’, manassa ma’din mukande tu duku’ sangapa-apa muporai.

²¹Iatu inan Napilei PUANG, Kapenombammu, la Nanii umpannii sanganNa, ke mambela tonganni dio mai kalemu, manassa la mutunu tu ba’tu pira-pira sapi sia domba sia bembe’ tu mangka Nakamaseangko PUANG, susitu mangka kupepasanan lako kalemu, ammu kandei sangapa-apa muporai lan mintu’ pa’tondokammu.

²²Apa la mukande susi kijang sia donga, iamotu to tang masero pada to masero ma’din ungkandei.

²³La manda’ tongan mutoe, iamotu tae’ ammu la ungkande rara, belanna iatu rara iamo penaa, sia tae’ mula ungkande penaa sola duku’.

²⁴Da mukandei to; la mubolloan rokko padang susito uai.

²⁵Da mukandei to, kumua na iatu iko sia iatu mai anakmu undinna la malaga’-laga’, ke mupogau’i tu apa malolo dio pentiroNa PUANG.

²⁶Apa iatu pamengan maseromu sia pemala’ pangallonanmu, iamoto tu la mubaa lako inan, tu la Napilei PUANG.

²⁷La mupasakka’ tu pemala’ ditunu pu’pu’mu, iamotu duku’ sia rara dao inan pemalaranNa PUANG, Kapenombammu, na iatu rarana pemala’ pangrere’mu la dibolloan dao inan pemalaranNa PUANG, Kapenombammu, apa iatu duku’ ma’din mukande.

²⁸Perangii tonganni mintu’ te pepasan, tu kupepasanan lako kalemu, kumua ammu tontong malaga’-laga’ la iko la iatu mai anakmu undinna, ke mupogau’i tu apa melo sia malolo dio pentiroNa PUANG, Kapenombammu.

²⁹Iake mangkami Nasabu’i PUANG, Kapenombammu, tu mai bangsa, tu munii male lako ammu ula’i dio mai lili’na, mualai mupoapa sia munii torro tu tondokna,

³⁰kanandai tu kalemu, da napoyako, kumua la muturu’ tu gau’na, ke mangkami disabu’i, sia da mudaka’i tu deatanna, mukua: Umba nakua te bangsa iate umpenombai deatanna? Susi dukamo kupogau’ to.

³¹Da mupenombai susito tu PUANG, Kapenombammu; belanna mintu’ apa Nakagalli PUANG sia iatu apa Nakabiri’, iamoto tu napogau’ lako deatanna; moi anna anakna muane sia anakna baine natunu duka anna pennoloanni lako deatanna.

³²Iatu mintu’ apa kupasanangkomi, la mikaritutui tongan; da mirangnganni sia da mikurangi.