Read Toraja-Sa'dan 1 TESALONIKA 4 Bible Online

1 TESALONIKA 4 - Toraja-Sa'dan bible

1 TESALONIKA 4

¹Sia indepa, e sangsiulurangku, kipalaku lako kalemi sia kipakilalakomi lan Puang Yesu, susitu mangkanna mitarima dio mai kaleki, kumua umba la mipakuanni tu gau’mi anNa poraikomi Puang Matua, — susitu mipogau’ sia — , susi dukamoto la samipakendek-kendekna tu pengkaolammi.

²Belanna miissan tu parenta mangka kibenkomi tete dio kuasanNa Puang Yesu.

³Apa iamo pa’poraianNa Puang Matua tu diona kamangkammi dipamasero, iamoto toyanganni tu kalemi dio mai pa’pangngan buni,

⁴ammi pantan unnissanni untonno’i tu la mendadi sangkurimmi situru’ kamaseroan sia mala’bi’na,

⁵tang unturu’ kamoraian pa’kalean, susi gau’na to kapere’ tu tang untandai Puang Matua;

⁶sia da miden misa’ umpogau’ kadake sia untampan saki inaa siulu’na lan tu iannato, belanna Puang Matua umpapakkanni tu mintu’nato, susitu inang mangkamo kipokada dolo sia kikatottongi lako kalemi.

⁷Belanna ia sia Natambaimiki’ Puang Matua tae’ kumua anta pogau’ maruttakna sangadinna diona kadipamaseroan.

⁸Iamoto, iatu to untumpui, tangia kumua tolino natumpu, sangadinna Puang Matua, tu umpa’kamasean Penaa Masallo’Na lako kalemi.

⁹Iatu diona kasiala-masean to sangsiuluran, tae’mo namanggi’ kusurasangkomi, belanna inang mangkamokomi Naada’i Puang Matua sialamase.

¹⁰Belanna tonganna mipogau’mo susito lako mintu’ sangsiuluran dio lili’na Makedonia. Apa kipakilalakomi, e kamu sangsiulurangku, dikua anna sakendek-kendekna kasiala- maseammi.

¹¹Sia mipomala’bi’ tu tuo rapa’ penaa, ammi parinaai tu pengkarangammi, sia unnosok rangka’mi, susitu mangka kipasanangkomi;

¹²anna pato’ tu gau’mi lako to salian, sia ammi tang urrannuan tau.

¹³Tae’ kiporai, e sangsiulurangku, ke tae’i miissanni tu diona tu to sisarakmo angin dipudukna, da mimasussa susito senga’ tu tae’na rannunna.

¹⁴Belanna iake tapatonganni kumua mangkamo mate tu Yesu sia malimbangunmo sule, ten dukamoto tu to si sarak angin dipudukna la Nakaloli’ Puang Matua tete dio Yesu.

¹⁵Apa inde sia kipokadangkomi situru’ kadanNa Puang, kumua iate kitanna tuonapa, tu torropa sae lako kasaeanNa Puang, tae’ tala undoloi tu to sisarak angin dipudukna.

¹⁶Belanna Puang kalena la songlo’ dao mai suruga situru’ petamba sia gamaranna pangulu malaeka’ sia oni tarompe’ puaNa Puang Matua; na mintu’na tu to mate lanmo Kristus la malimbangun dolo;

¹⁷na undinna iatu kita tuonapa, te torronapa, la simpolo diangka’ tama gaun sisola tu tau iato untammui Puang lan masuanggana, na susimoto la tontongki’ sisola Puang.

¹⁸Iamoto la sipakatanakomi unnoong kada iate.