Read Toraja-Sa'dan YOSUA 12 Bible Online

YOSUA 12 - Toraja-Sa'dan bible

YOSUA 12

¹Inde sia tu mintu’ datunna tondok tu natalo to Israel sia naala tu padangna rampe matallona Yordan, randuk dio mai salu’-salu’ Arnon sae lako buntu Hermon sia mintu’ lili’na Araba-Yordan ma’palulako rampe matallo.

²Iamotu Sihon, datu to Amori, tu torro dio Hesbon, tu ma’parenta randuk dio mai Aroër dio biring salu’-salu’ Arnon, iamo tu dio to’ sisamanna salu’-salu’ iato, sia sesena Gilead sae lako salu’-salu’ Yabok, tu sikatonan to Amon;

³sia Araba-Yordan sae lako rampe matallo tasik Kinerot sia sae lako rampe matallo tasik Araba, iamo tu tasik Ma’sin, ma’palulako Bet-Yesimot sia rampe lu sau’na diong garonto’ mennaa’na Pisga.

⁴Sia iatu lili’na Og, datu Basan, iamotu mai to Refaim torronapa, tu umpa’tondokki Astarot sia Edrei.

⁵Sia umparenta buntu Hermon, Salkha sia mintu’ Basan sae lako lili’na to Gesur sia to Maakha sia sesena Gilead, sae lako lili’na Sihon, datu Hesbon.

⁶Iatu Musa, taunNa PUANG, sola to Israel untaloi tu tau iato mai, anna pa’benganni Musa, taunNa PUANG, tu tondok iato lako to Ruben sia to Gad sia sesena suku Manasye la napomana’.

⁷Inde sia tu mintu’ datunna tondok, tu natalo Yosua sia mintu’ to Israel rampe matampu’na Yordan, randuk dio mai Baal-Gad diong lombok Libanon sae lako Buntu Karing tu ma’palulangngan Seir. Napa’bengan Yosua tu tondokna lako mintu’ sukunna Israel, la napomana’ situru’ tu bilanganna sukunna;

⁸dao lu Ma’buntunna, diong Padang Merrantena, dio Araba-Yordan, dao lu mennaa’na, lan lu padang pangallaran sia dio padang Lo’na lu, iamotu tondokna to Het, to Amori, to Kanaan, to Feris, to Hewi sia to Yebus.

⁹Datu Yerikho: misa’; datu Ai, tu sitingoan Betel: misa’;

¹⁰datu Yerusalem: misa’; datu Hebron: misa’;

¹¹datu Yarmut: misa’; datu Lakhis: misa’;

¹²datu Eglon: misa’; datu Gezer: misa’;

¹³datu Debir: misa’; datu Geder: misa’;

¹⁴datu Horma: misa’; datu Arad: misa’;

¹⁵datu Libna: misa’; datu Adulam: misa’;

¹⁶datu Makeda: misa’; datu Betel: misa’;

¹⁷datu Tapuah: misa’; datu Hefer: misa’;

¹⁸datu Afek: misa’; datu Lasaron: misa’;

¹⁹datu Madon: misa’; datu Hazor: misa’;

²⁰datu Simron Meron: misa’; datu Akhsaf: misa’;

²¹datu Taanakh: misa’; datu Megido: misa’;

²²datu Kedesy: misa’; datu Yokneam sikandappi’ Karmel: misa’;

²³datu Dor sikandappi’ mentanetena dao Dor: misa’; datu Goyim sikandappi’ Galilea: misa’;

²⁴datu Tirza: misa’. Mintu’i tu datu den tallungpulo mmisa.