Read Toraja-Sa'dan YAKOBUS 4 Bible Online

YAKOBUS 4 - Toraja-Sa'dan bible

YAKOBUS 4

¹Bu’tu umbara nii sae tu kasigagan, sia bu’tu umbara nii sae tu kasiboboran lan kombongammi? Tang bu’tu lu dioraka mai mintu’ kamoraiammi tu male mangea unnoong mintu’ lesoan kalemi?

²Den kamailuammi, apa tae’ dio kalemi; papateangkomi sia mangimburukomi, apa tae’ miappa’i; sibobo’ sia sigagakomi, apa tae’ dio kalemi, belanna tae’ mimassambayang;

³sia massambayangkomi, apa tae’ miappa’i, belanna sala passambayangmi, tu belanna la misa’sakan unturu’ kamoraiammi.

⁴E kamu tu dipasitinti to ma’gau’ sala, tae’raka mitandai kumua kasiporaian lino iate, iamo kasiualian Puang Matua? Iamoto minda-minda morai la siporai lino iate, iamo mendadi ualinNa Puang Matua.

⁵Ba’tu misangaraka tae’ patunna tu dipokada lan Sura’ kamua: iatu penaa Napalan kaleta Nakamali’ Puang Matua, Naurunganni mangimburu?

⁶Apa Napa’bengan tu pa’kamasean mandu kapua. Iamo bannangna to anna kua lan Sura’ Madatu: Puang Matua umbali to matampo, apa Napa’kamasean tu pa’kamasean lako to madiongan penaanna.

⁷Sorongkomi kalemi lako Puang Matua, ammi eai tu deata bulituk, nasorong boko’ dio mai kalemi.

⁸Perreke’i tu Puang anNa reke’ dukakomi. Basei tu limammi, e to kasalan, sia pemasallo’i tu penaammi, e to ma’ranga’-ranga’ penaanna.

⁹Pesa’dingimi tu sussa ammi mario sia tumangi’; sipato’ tu penaammi membali kamarioan, sia kasendeammi membali kamasussan.

¹⁰Sipatukomi la umpamadiong kalemi dio oloNa Puang, na Ia la umpamalangka’komi.

¹¹E sangsiulurangku, da misipalele beko sangsiulurammi. Iatu to umpokada boko’ ba’tu umpasala siulu’na, iamo umpalele beko sia umpasala sukaran aluk. Apa iake mupasalai tu Sukaran aluk, tangiako to unturu’ Sukaran aluk, sangadinna to mangra’ta’na.

¹²Sangadinna Misa’ri tu Umpatassu’ parenta sia To mangra’ta’. Iamo kuasa pakarimmanan sia pasanggangan, apa to matumbaroko iko te umpasala padammu tolino?

¹³E kamu to ma’kadanna kumua: Allo iate ba’tu masiang tamale lako tondok anu anta torro sangtaun dio, ma’balili sia undaka’ saro;

¹⁴apa tae’ miissanni tu apa la dadi masiangna to. Umbara nakua tu katuoammi? Belanna susi bangrokomi to rambu, sattu’ri ditiro, anna pa’demo.

¹⁵Sangadinna sipatukomi ma’kada kumua: Ke Napoelo’i Puang Matua, anta tuo sia umpogau’i te ba’tu iato.

¹⁶Apa totemo massattuangkomi diona kamatampoammi ma’kada; mintu’na passattuan susito kadake.

¹⁷Iamoto, iake to unnissan umpogau’ melo, apa tae’ napogau’i napokasalan.