Read tshiluba Genese 46 Bible Online

Genese 46 - tshiluba bible

Genese 46

¹Isalele wakabisha luendu luandi wakangata bintu bionso biakadiye nʼabi, wakalua ku Be-sheba wakashihela Nzambi wa tatuʼandi Isaka nyama.

²Nzambi wakambila Isalele mu bikena kumona mu butuku ne, Yakoba, Yakoba Yeye wakitaba ne, Ndiku.

³Yeye wa kamba ne, Ndi Nzambi wa tatuʼebe, kutshinyi bua kuya mu Ejipitu, bualu bua nenkuvuisheku tshisamba tshmene

⁴nenye nʼebe mu Ejipitu, nennumusheku kabidi bulelela, Yosefe neateke bianza biandi ha mesu ebe

⁵Yakoba Wakabika ku Be-sheba, bana balume ba Isalele bakatuala Yakoba tatuʼabo ne bana babo ne bakashi babo mu makalu akabatumma Palo.

⁶Bakangata bimuna biabo ne bintu bionso biakangatabo mu buloba bua Kanana, bakalua mu Ejipitu, Yakoba ne tunkanunuina tuandi bionso

⁷bana bandi ba balume bakaleleye, ne bana ba balume ba bana bandi, ne bana bandi ba bakashi bakaleleye, ne bana ba bakashi ba bana bandi, wakalua ne buonso buabo mu Ejipitu.

⁸Â mmena a bana ba Isalele bakalueye nʼabo mu Ejipitu Lubena, muanʼa bute wa Yakoba.

⁹Bana ba balume ba Lubena, Hanoka ne Palu ne Heselona ne Kâmi.

¹⁰Bana ba balume ba Shimeona, Yemuele ne Yamina ne Ohada ne Yakina ne Sofa ne Shaula, muana wa mukashi wa Bena Kanana.

¹¹Bana ba balume ba Lewi, Geshona ne Kohata ne Melah.

¹²Bana ba balume ba Yuda Ele ne Onana ne Shela, ne Pelese ne Zela kadi Ele ne Onana bakafuila mu buloba bua Kanana Bana ba balume ba Pelese, Helelona ne Hamula.

¹³Bana ba balume ba Yisakâ, Tola ne Puwa ne Yoba ne Shimelona.

¹⁴Bana ba balume ba Zebuluna, Selede ne Elona ne Yalele.

¹⁵Aba mbana ba balume ba Lea bakaleleleye Yakoba mu Padana-alama, ne muanʼandi wa bakashi Dina, bana bandi ba balume ne bana bandi ba bakashi makumi asatu ne basatu.

¹⁶Bana ba balume ba Gada, Sifiona ne Haga ne Shuni ne Esebone ne Eli ne Alodi ne Aleli.

¹⁷Bana ba balume ba Ashe, Yimena ne Yishewa ne Yishewi ne Belia ne muanʼabo wa bakashi, Sela, ne bana ba balume ba Belia, Hebê ne Malekiele.

¹⁸Aba mbana ba Zilepa, wakaha Labana muanʼandi mukashi Lea, yeye wakalelela Yakoba bana aba dikumi ne basambombo.

¹⁹Bana balume ba Lakele, mukashi wa Yakoba, ba kadi Yosefe ne Benyamina.

²⁰Asenata, muana mukashi wa Poti-fela, mubuki wa mu Ono, mukashi wa Yosefe, wakamulelela Manashe ne Efelayima mu buloba bua Ejipitu.

²¹Bana ba balume ba Benyamina, Bela ne Bekê ne Ashebele ne Gela ne Nâmana ne Ehi ne Losha ne Mupima ne Hupima ne Ada.

²²Aba mbana ba balume ba Lakele bakaleleleye Yakoba buonso buabo dikumi ne banai.

²³Bana ba Dana, Hushima.

²⁴Bana ba Nafatale, Yasele ne Guni ne Yese ne Shilema.

²⁵Aba mbana ba Bileha, wakaha Labana Lakele muanʼandi mukashi yeye wakalelela Yakoba bana aba buonso buabo bakadi muanda mutekete

²⁶Bantu aba bonso bakalua ne Yakoba mu Ejipitu bonso bakahatuka munda mua Yakoba, kababadi bakashi ba bana bandi bakadi makumi asambombo ne basambombo,

²⁷ne bana ba balume ba Yosefe bakamulelelabo mu Ejipitu bakadi babidi, bantu bonso ba mu nsubu bakalueye nʼabo mu Ejipitu bakadi makumi muanda mutekete.

²⁸Yeye wakatuma Yuda ku mpala kuandi kudi Yosefe bua kumulesheye nshila wa ku Goshene, bakalua mu buloba bua Goshene.

²⁹Yosefe wakalongolola dikalu diandi wakaya kusangakena ne Isalele, tatuʼandi, mu Goshene Wakafika kudiye, wakamuela tshituha ku nshingu, wakadila to musangu mule.

³⁰Isalele wakambila Yosefe ne, Ndi mua kufua katataka, bualu bua nakumana kukumona ku mesu ne wewe utshidi ne muoyo.

³¹Yosefe wakambila bana babo ne bonso ba mu nsubu wa tatuʼandi ne, Nendianjile kudi Palô, nemmuambile ne, Bana betu bonso ba mu nsubu wa tatu wanyi bakadi mu buloba bua Kanâna bakulua kundi.

³²Bantu aba badi balami ba mikoko, bualu bua bakadi balami ba bimuna, bakalua ne mikoko yabo ne bimuna biabo ne bintu bionso bidibo nʼabi.

³³Hanubikilabo kudi Palo, yeye neanukonke ne, Nudi benji ba mudimu kai?

³⁴Nuenu nenukudimune di ne, Bantu bebe bakadi balami ba bimuna hatuakadi bitende tô ne katataka, ne tuetu ne batatuʼetu, bua nuenu nushikame mu buloba bua Goshene Bualu bua mulami yonso wa mikoko udi mulenguludibue kudi Bena Ejipitu.